ఆడపిల్లలున్న ప్రతీ కుటుంబం 'మిస్టర్‌ కింగ్‌' చూడాల్సిందే: మేకర్స్
శరణ్ కుమార్ హీరోగా శశిధర్‌ చావలి దర్శకత్వంలో తెరకెక్కిన యూత్ ఫుల్ ఫ్యామిలీ ఎంటర్ టైనర్ ‘మిస్టర్‌ కింగ్‌’.
దిశ, సినిమా : శరణ్ కుమార్ హీరోగా శశిధర్‌ చావలి దర్శకత్వంలో తెరకెక్కిన యూత్ ఫుల్ ఫ్యామిలీ ఎంటర్ టైనర్ 'మిస్టర్‌ కింగ్‌'. హన్విక క్రియేషన్ బ్యానర్‌పై బి.ఎన్‌.రావు నిర్మించిన చిత్రంలో యశ్విక నిష్కల, ఊర్వీ సింగ్‌ కథానాయికలుగా నటించారు. ఈ నెల 24న ప్రేక్షకుల ముందుకొస్తున్న నేపథ్యంలో చిత్ర యూనిట్ ప్రెస్‌మీట్ నిర్వహించింది. ఈ మేరకు మాట్లాడిన శరణ్ కుమార్..
'మణిశర్మ గారు ఇచ్చిన మ్యూజిక్‌కు అద్భుతమైన స్పందన వచ్చింది. టీజర్‌కి వచ్చిన రెస్పాన్స్ కూడా సంతోషాన్ని ఇచ్చింది. యూనిట్ అంతా చాలా హార్డ్ వర్క్ చేశాం. నా మొదటి సినిమాను ఆదరించి సపోర్ట్‌గా నిలవడంతోపాటు ప్రేమతో మమ్మల్ని బ్లెస్ చేస్తారని కోరుకుంటున్నా' అన్నాడు. అలాగే 'ఆత్మ గౌరవం ఉన్న ప్రతి అబ్బాయి, ఆడ పిల్లలున్న ప్రతి కుటుంబం చూడాల్సిన సినిమా ఇది. థియేటర్‌కు వచ్చిన వారు ఖచ్చితంగా ఎంజాయ్ చేస్తారు' అని దర్శకుడు చెప్పాడు. చివరగా మాట్లాడిన యశ్విక నిష్కల, ఊర్వీ సింగ్‌, బిన్ రావు, డీవోపి తన్వీర్, రాజ్ కుమార్.. అందరికీ నచ్చేలా తెరకెక్కించిన చిత్రాన్ని విజయవంతం చేసి తమను ప్రోత్సహిస్తారని ఆశిస్తున్నామన్నారు.