Ram Charan: గేమ్ ఛేంజర్ అప్డేట్ చెప్పాలంటూ నెట్టింట మెగా ఫ్యాన్స్ రచ్చ.. కౌంటర్ వేసిన ఉపాసన (పోస్ట్)

దిశ, సినిమా: గ్లోబల్ స్టార్ రామ్ చరణ్, శంకర్ కాంబోలో తెరకెక్కుతున్న చిత్రం ‘గేమ్ ఛేంజర్’. ఇందులో కియారా అద్వానీ హీరోయిన్‌గా నటిస్తుండగా.. అంజలి కీలక పాత్రలో కనిపించనుంది. అయితే ఈ సినిమా షూటింగ్ స్టార్ట్ అయి ఇప్పటికే మూడేళ్లు పూర్తి కావొస్తున్నప్పటికీ విడుదల కాలేదు. ఇప్పటికే ఇందులోంచి విడుదలైన పోస్టర్స్ మూవీపై అంచనాలను పెంచేశాయి. దీంతో గేమ్ ఛేంజర్‌కు సంబంధించిన ఏదో ఒక వార్త నెట్టింట వైరల్ అవుతూనే ఉంది. ఇటీవల ఇప్పట్లో విడుదల కాదని కూడా పలు పుకార్లు షికార్లు చేశాయి.

ఈ క్రమంలో.. గేమ్ ఛేంజర్ మేకర్స్ షూటింగ్ కంప్లీట్ అయిందని డిసెంబర్‌లో క్రిస్మస్ కానుకగా రిలీజ్ కాబోతున్నట్లు ప్రకటించారు. దీంతో మెగా ఫ్యాన్స్ ఊపిరిపిల్చుకున్నారు. ఇక అప్పటి నుంచి అభిమానులు ఈ సినిమాకు సంబంధించిన ఏదో ఒక అప్డేట్ ఇవ్వాలని సోషల్ మీడియాలో పలు పోస్టులు పెడుతున్నారు. తాజాగా, రామ్ చరణ్ పెట్ రైమ్ ఇన్‌స్టాలో ఓ పోస్ట్ వచ్చింది. అయితే మెగా ఫ్యాన్స్ రైమ్ మీ డాడిని అడిగి గేమ్ ఛేంజర్ అప్డేట్ చెప్పు అని కామెంట్లు పెట్టారు. దీంతో అవి చూసిన ఉపాసన అదిరిపోయే కౌంటర్ వేసింది. ‘‘రైమ్ మీకు గేమ్ ఛేంజర్ అప్డేట్ ఎలా చెప్తుంది. ఈ సినిమాకు నిర్మాత లేదా దర్శకురాలు కాదు కదా’’ అని రిప్లై ఇచ్చింది. అలాగే ఓ స్మైలీ ఎమోజీ షేర్ చేసింది. ఇక అది చూసిన నెటిజన్లు కౌంటర్ వేసిందని చర్చించుకుంటున్నారు.

(Video Link Credits to Rhyme Konidela Instagram Channel)