కొత్త సినిమా మొదలుపెట్టిన Keerthy Suresh

దిశ, సినిమా: టాలీవుడ్ స్టార్ హీరోయిన్ కీర్తి సురేష్ ఇటీవల వరుస చిత్రాలతో బిజీగా ఉంది. ప్రస్తుతం నాలుగు సినిమాల్లో నటిస్తున్న ఆమె మరో నయా ప్రాజెక్ట్ పట్టాలెక్కించింది. ప్రముఖ రైటర్‌ సుమన్‌ కుమార్‌ దర్శకత్వంలో ఓ సినిమా చేయబోతుంది. దీనికి 'రఘు తథా' అనే టైటిల్‌ను ఫిక్స్ చేశారు. 'కేజీఎఫ్‌'తో అంతర్జాతీయ స్థాయిలో గుర్తింపు తెచ్చుకున్న హోంబలే ఫిలింస్‌ సంస్థ ఈ చిత్రాన్ని నిర్మిస్తుంది. మహిళా కథ ఆధారంగా సాగే ఈ చిత్రం ప్రస్తుతం ప్రీ ప్రొడక్షన్‌ పనులు జరుపుకుంటుంది. త్వరలోనే షూటింగ్‌ ప్రారంభం కానుండగా త్వరలోనే మిగతా వివరాలు తెలియాల్సి ఉంది.