నాని సినిమాలో హీరోయిన్‌గా జాన్వీకపూర్.. నేచురల్ స్టార్ రియాక్షన్ ఏంటంటే!

దిశ, సినిమా: నేచురల్ స్టార్ నాని ఇటీవల హాయ్ నాన్నతో బ్లాక్ బస్టర్ హిట్ అందుకున్న విషయం తెలిసిందే. అదే ఫామ్‌తో వరుస సినిమాల్లో నటిస్తూ  దూసుకుపోతున్నాడు. ఆయన నటించిన లేటెస్ట్ మూవీ ‘సరిపోదా శనివారం’. వివేక్ ఆత్రేయ తెరకెక్కించిన ఈ సినిమాలో ప్రియాంక అరుల్ మోహన్ హీరోయిన్‌గా నటిస్తుంది. అయితే సరిపోదా శనివారం ఆగస్టు 29న థియేటర్స్‌లో గ్రాండ్‌గా విడుదల కాబోతుంది. దీంతో మేకర్స్ ప్రమోషన్స్ మొదలెట్టేశారు.

ఈ నేపథ్యంలో.. తాజాగా, నాని ఓ ఇంటర్వ్యూలో షాకింగ్ కామెంట్స్ చేశాడు. ఆయన నటిస్తున్న అప్‌కమింగ్ మూవీలో జాన్వీ కపూర్ హీరోయిన్‌గా నటిస్తున్నట్లు వార్తలు వైరల్ అవుతున్నాయి. అయితే సరిపోదా శనివారం ప్రమోషన్స్‌లో భాగంగా దీనిపై నాని క్లారిటీ ఇచ్చాడు. ‘‘ నా కొత్త ప్రాజెక్ట్‌లో జాన్వీ నటిస్తుందనేది పుకారు మాత్రమే. అయితే ఆమెను తీసుకోవాలని చర్చలు జరుగుతున్నాయి కావచ్చు కానీ కన్షార్మ్ కాలేదు. ప్రస్తుతం ఈ మూవీకి సంబంధించిన స్క్రిప్ట్ వర్క్ జరుగుతోంది. నేను కొన్ని రోజుల నుంచి షూటింగ్స్‌లో పాల్గొంటున్నా కాబట్టి బిజీగా ఉంటున్నాను.

అందుకే నా ప్రాజెక్ట్‌లో నటించేవారి గురించి తెలుసుకోలేకపోతున్నాను. సరిపోదా శనివారం విడుదల తర్వాత నా తదుపరి ప్రాజెక్ట్ గురించి పూర్తి విషయాలు తెలుసుకుంటా’’ అని చెప్పుకొచ్చాడు. ప్రజెంట్ నాని కామెంట్స్ వైరల్ అవుతుండటంతో అంతా షాక్ అవుతున్నారు. కాగా, యంగ్ బ్యూటీ జాన్వీ కపూర్ ఎన్టీఆర్ దేవర సినిమాతో టాలీవుడ్ ఇండస్ట్రీకి పరిచయం కాబోతుంది. ఈ చిత్రం విడుదల కాకముందే ఈ అమ్మడు ఏకంగా గ్లోబల్ స్టార్ రామ్ చరణ్ సరసన చాన్స్ కొట్టేసింది. అలాగే మరో రెండు చిత్రాల్లోనూ ఆమెను తీసుకోవడానికి చర్చలు జరుగుతున్నట్లు టాక్.