చిరంజీవి మూవీలో నటించిన ఈ బ్యూటీ..ఇప్పుడో ప్రముఖ లాయర్?

దిశ,వెబ్ డెస్క్:టాలీవుడ్ ఇండస్ట్రీకి చైల్డ్ ఆర్టిస్ట్ గా పరిచయమైన బ్యూటీ శ్రియ శర్మ ప్రజెంట్ ఒక ప్రముఖ లాయర్.ఈ బ్యూటీ మెగాస్టార్ చిరంజీవి నటించిన జై చిరంజీవ మూవీతో తెలుగు ఇండస్ట్రీలో అడుగు పెట్టింది.ఈ మూవీలో ఈ చిన్నది చిరంజీవి మేనకోడలు పాత్రలో నటించి అలరించింది.ఈ చిత్రంలో తన ముద్దు ముద్దు మాటలతో చేష్టలతో ప్రేక్షకులను ఆకట్టుకుంది.ఈ మూవీ తర్వాత ఆమెకు భారీగా ఆఫర్లు వచ్చాయి.తన ఫస్ట్ మూవీతోనే ఇండస్ట్రీలో ఎనలేని గుర్తింపు సొంతం చేసుకుంది.తర్వాత నుంచి టీనేజ్ గర్ల్ గా పలు సినిమాల్లో నటించింది.దూకుడు మూవీలో సమంత చెల్లెలుగా మెప్పించింది.చిల్లర్ పార్టీ మూవీకి గాను బెస్ట్ చైల్డ్ ఆర్టిస్ట్ గా జాతీయ అవార్డు అందుకుంది. అంతే కాదు ఈ బ్యూటీ పలు సినిమాల్లో హీరోయిన్గా కూడా నటించింది.

బిగ్‌బాస్ అలీరేజా హీరోగా తెరకెక్కిన ‘గాయకుడు’ సినిమాతో హీరోయిన్ గా ఎంట్రీ ఇచ్చింది. శ్రీకాంత్ తనయుడు రోషన్ హీరోగా నటించిన నిర్మల కాన్వెంట్ సినిమాలో హీరోయిన్ గా నటించి మెప్పించింది. ఈ మూవీ తర్వాత అమ్మడుకి అంతగా ఆఫర్లు రాలేదు.తర్వాత కొన్ని వాణిజ్య ప్రకటనల్లో మెరిసింది. ఇండస్ట్రీలో అడుగు పెట్టిన ఈ చిన్నది తన స్టడీ విషయంలో మాత్రం నెగ్లెట్ చేయలేదు.ఓవైపు సినిమాల్లో నటిస్తూనే మరోవైపు లా చదువును పూర్తి చేసింది ఈ బ్యూటీ. ప్రస్తుతం పెద్ద పెద్ద కార్పొరేట్ కంపెనీలకు అడ్వకేట్ గా వ్యవహరిస్తుంది.