Dhruva Sarja: ఆక‌ట్టుకుంటున్న ‘అదంతేలే’ ల‌వ్ మెలోడీ
ధృవ స‌ర్జా ప్రధాన పాత్రలో న‌టిస్తోన్న భారీ బ‌డ్జెట్ పాన్ ఇండియా చిత్రం ‘మార్టిన్’.
దిశ, సినిమా: ధృవ స‌ర్జా ప్రధాన పాత్రలో న‌టిస్తోన్న భారీ బ‌డ్జెట్ పాన్ ఇండియా చిత్రం ‘మార్టిన్’. ఎ.పి.అర్జున్ ద‌ర్శ‌క‌త్వంలో వాస‌వీ ఎంట‌ర్‌ప్రైజెస్‌, ఉద‌య్ కె.మెహ‌తా ప్రొడ‌క్ష‌న్స్ బ్యాన‌ర్స్‌పై ఉద‌య్ కె.మెహ‌తా, సూర‌జ్ ఉద‌య్ మెహ‌తా ఈ భారీ యాక్ష‌న్ థ్రిల్ల‌ర్‌ను నిర్మిస్తున్నారు. అక్టోబ‌ర్ 11న ఈ చిత్రం ప్ర‌పంచ వ్యాప్తంగా గ్రాండ్ రిలీజ్ అవుతుంది.
ఈ నేప‌థ్యంలో సోమ‌వారం ఈ సినిమా నుంచి మేక‌ర్స్ ఓ ల‌వ్ మెలోడీ వీడియో సాంగ్‌ను విడుద‌ల చేశారు. ‘అదంతేలే..’ అంటూ సాగే సదరు పాటను రామ‌జోగ‌య్య శాస్త్రి రాశారు. మణిశర్మ పాటలకు స్వరాలందిస్తున్నారు. శ్రీకృష్ణ, శ్రుతికా స‌ముద్రాల పాటను పాడారు. ఇమ్రాన్ స‌ర్దారియా కొరియోగ్ర‌ఫీ అందించారు.