Gopichand: గోపీచంద్ ‘విశ్వం’ టీజర్ విడుదలకు టైమ్ ఫిక్స్.. స్టైలిష్ లుక్‌లో ఉన్న పోస్టర్ వైరల్
టాలీవుడ్ హీరో గోపీచంద్, కావ్య థాపర్ జంటగా నటిస్తున్న తాజా చిత్రం ‘విశ్వం’.
దిశ, సినిమా: టాలీవుడ్ హీరో గోపీచంద్, కావ్య థాపర్ జంటగా నటిస్తున్న తాజా చిత్రం ‘విశ్వం’. ఈ సినిమా డైరెక్టర్ శ్రీను వైట్ల దర్శకత్వంలో గోపీచంద్ 32వ మూవీగా తెరకెక్కుతోంది. అయితే ఇది చిత్రాలయం స్టూడియోస్, పాపులర్‌ డిస్ట్రిబ్యూటర్‌ కమ్‌ ఎగ్జిబిటర్‌ వేణు దోనెపూడి పీపుల్‌ మీడియా ఫ్యాక్టరీతో కలిసి తెరకెక్కిస్తున్నారు. ఈ సారి గోపీచంద్ ఫుల్ లెంగ్త్ యాక్షన్ ప్యాక్‌డ్ రోల్‌లో నటించబోతున్నట్లు తెలుస్తోంది. ఇప్పటికే ఇందులోంచి విడుదలైన వీడియో ఫన్, సీరియస్ అన్ని ఎలిమెంట్స్ కలిపి ఉండనున్నట్లు అర్థమయ్యేలా చేసింది. తాజాగా, విశ్వం మూవీ మేకర్స్ అప్డేట్‌ను విడుదల చేశారు. టీజర్‌ను సెప్టెంబర్ 3వ తేదీన సాయంత్రం 4: 05 గంటలకు లాంచ్ చేయబోతున్నట్లు ట్విట్టర్ వేదికగా ప్రకటించారు. అంతేకాకుండా స్టైలిష్ లుక్‌తో ఉన్న గోపీచంద్ పోస్టర్ రిలీజ్ చేశారు. ప్రజెంట్ ఆ ఫొటో సోషల్ మీడియాను షేక్ చేస్తోంది.