డార్లింగ్ ఫ్యాన్స్‌కు గుడ్ న్యూస్.. త్వరలో ప్రభాస్‌ను కలుసుకునే అవకాశం!

దిశ, సినిమా: పాన్ ఇండియా స్టార్ ప్రభాస్ ప్రస్తుతం వరుస ప్రాజెక్టులతో దూసుకుపోతున్నాడు. వాటిలో ‘కల్కి 2898AD’ ఒకటి. డైరెక్టర్ నాగ్ అశ్విన్ దర్శకత్వంలో తెరకెక్కుతున్న ఈ మూవీలో.. దీపికా పదుకొణె హీరోయిన్‌గా నటిస్తుంది. వైజయంతి మూవీస్ బ్యానర్‌పై నిర్మిస్తున్న ఈ చిత్రంలో కమల్ హాసన్, అమితాబ్ బచ్చన్, దిశా పటాని, రాజేంద్ర ప్రసాద్, పశుపతి వంటి స్టార్స్ సైతం కీలక పాత్రల్లో కనిపించనున్నారు. ఇక ఇప్పటివరకు ఇందులో నుంచి వచ్చిన ప్రతి అప్‌డేట్ ఎంతో ఆకట్టుకోగా.. ఫ్యాన్స్‌లో, ఆడియన్స్‌లో చిత్రంపై భారీ అంచనాలు నెలకొన్నాయి.

ఈ క్రమంలోనే మూవీ ప్రమోషన్స్ కూడా భారీగా ప్లాన్ చేస్తు్న్నారట మేకర్స్. అంతే కాకుండా ఈ మీట్‌లో ప్రభాస్‌కు విషెస్ తెలిపే అవకాశం ఆయన ఫ్యాన్స్‌కు ఇవ్వనున్నారని సోషల్ మీడియాలో ఓ వార్త వైరల్ అవుతోంది. నెక్ట్ వీక్ నుంచి ప్రభాస్ ‘కల్కి’ ప్రమోషన్స్‌లో పార్టిసిపేట్ చేస్తున్నట్లు తెలుస్తుండగా.. ఆయనను మీట్ అయ్యేందుకు డై హార్ట్ ఫ్యాన్స్‌ను ఎంపిక చేయనున్నట్లు టాక్. ఇక త్వరలోనే ఈ ఫ్యాన్స్ మీట్‌కు సంబంధించిన పూర్తి విరాలను మూవీ టీమ్ ప్రకటించనుందట. దీంతో పాటు నేషనల్ మీడియాకు సైతం ఇంటర్వ్యూలు ఇచ్చేందుకు భారీ ఎత్తున ప్లాన్ చేస్తున్నారట కల్కి మూవీ టీమ్. కాగా.. ఈ చిత్రం జూన్ 27న ప్రపంచవ్యాప్తంగా 22 భాషల్లో రిలీజ్ కానుంది.