సమంత రీ ఎంట్రీ ఇవ్వబోతున్న ఆ సినిమాకు దర్శకుడు ఎవరో తెలుసా..?

దిశ, సినిమా: ‘ఏమాయ చేసావే’ సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన సమంత అందరికీ సుపరిచితమే. ఇందులో హీరోగా నటించిన నాగచైతన్యని ప్రేమించి పెద్దల సమక్షంలో పెళ్లి చేసుకున్నారు. కానీ పట్టుమని 4 యేళ్లు కూడా కలిసి ఉండకుండా కొన్ని కారణాల రీత్యా విడాకులు తీసుకుని దూరంగా ఉంటున్నారు. ఆ మధ్య మయోసైటీస్ వ్యాధి బారిన పడడంతో పూర్తిగా సినిమాలకు బ్రేక్ ఇచ్చింది. కానీ ఇప్పుడు కోలుకోవడంతో సోషల్ మీడియాలో తన అంద చందాలతో కుర్రకారు మతి పోగొడుతుంది. అదే విధంగా సినిమాల్లో కూడా రీ ఎంట్రీ ఇవ్వడానికి సిద్ధంగా ఉన్నది. ఆ క్రమంలోనే తన సొంత నిర్మాణ సంస్థ ద్వారా ఇటీవల 'మా బంగారుతల్లి' అనే సినిమా పేరు కూడా తన ఇన్‌స్టా ద్వారా ప్రకటించింది సమంత. ఈ సినిమాకు సంబంధించిన ప్రీ ప్రొడక్షన్‌ పనులు కూడా జరుగుతున్నట్టు సమాచారం.

ఇదిలావుంటే అసలు ఈ సినిమాకు దర్శకుడు ఎవరు? అనేది సమంత అభిమానుల్లో నెలకొన్న ప్రశ్న. అయితే ఈ సినిమాకు ఓ యువ దర్శకుడు దర్శకత్వం వహించనున్నాడట. ఈ కథ కూడా అతనిదే అని సమాచారం. త్వరలోనే ఆ దర్శకుడి పేరును సామ్‌ ప్రకటించనుంది. ఇందులోని తన పాత్ర గురించి ఆమె చెబుతూ 'నటిగా నన్ను మరో స్థాయిలో నిలబెట్టే సినిమా ఇది. ఇందులో కొత్త సమంతను చూస్తారు. ఇందులో నేనే హీరో. నటిగా నాకొక సవాల్‌ ఈ సినిమా. మిగతా వివరాలు త్వరలోనే ప్రకటిస్తా' అని సామ్‌ ఇటీవల ఇచ్చిన ఓ ఇంటర్‌వ్యూలో పేర్కొన్నది.