ప్రభాస్ డూప్‏ ఒక్కో సినిమాకు ఎంత రెమ్యూనరేషన్ తీసుకుంటాడో తెలుసా ?

దిశ, సినిమా: వరల్డ్ వైడ్‌గా కోట్లాది అభిమానులను సంపాదించుకున్న టాలీవుడ్ స్టార్ హీరోల్లో ప్రభాస్ ఒక్కరు. ‘బాహుబలి’ నుంచి మొదలెడితే ఆయన కటౌట్, లుక్స్, యాక్టింగ్ కి జనాలు ఫిదా అయ్యారు. దీంతో ఆయనకు ఫాలోయింగ్ అమాంతం పెరిగిపోయింది.ఇక దాదాపు ఐదు ఏళ్ళ తర్వాత రీసెంట్ గా ‘సలార్’ సినిమాతో సాలిడ్ హిట్ అందుకున్నాడు ప్రభాస్. ప్రజంట్ ‘రాజా సాబ్’, ‘కల్కి’ చిత్రాల్లో నటిస్తున్నాడు. అయితే తాజాగా ప్రభాస్ కు సంబంధించిన ఓ విషయం నెట్టింట వైరల్ అవుతుంది.

ఇక సాదారణంగా కొంత మంది హీరోలకు డూప్‌లు ఉంటారు. హీరోలు చేయలేని క్రిటికల్ సీన్స్ వారి పార్స్‌నాలిటి మ్యాచ్ అయ్యేలా ఉన్న డూప్ ను తీసుకొచ్చి చేయిస్తారు. ఇదే విదంగా ప్రభాస్ కి కూడా ఒక్క డూప్ ఉన్నాడు. అతని పేరు కిరణ్ రాజ్. జనాలకు అతను అంతగా పరిచయం లేదు. కానీ ‘బాహుబలి’ సినిమా టైం లో కిరణ్ మంచి పాపులారిటీని సొంతం చేసుకున్నాడు. అప్పట్లో కొన్ని ఇంటర్వ్యూలలో పాల్గొన్నాడు. అయితే మిగతా హీరోల డూప్స్‌కు సదరు సినిమాల నిర్మాతలే రెమ్యునరేషన్ ఇస్తుంటారు. కానీ ప్రభాస్ మాత్రం తన వద్ద పనిచేసే ప్రతి ఒక్కరికి సొంతంగా జీతాలు ఇస్తుంటారట. ఇక తన డూప్ గా నటించిన కిరణ్ రాజ్ కి ఒక్కో సినిమాకు దాదాపు రూ. 30 లక్షల వరకు చెల్లిస్తాడని టాక్ వినిపిస్తుంది. ప్రస్తుతం ఈ న్యూస్ ఫిల్మ్ వర్గాల్లో వైరల్ అవుతుంది. డూప్ అంత పెద్ద మొత్తంలో చెల్లిస్తుండడంతో ప్రభాస్ పై ప్రశంసలు కురిపిస్తున్నారు ఫ్యాన్స్.