దిశ, సినిమా : బాలీవుడ్ బ్యూటీ దీపికా పదుకొనే తాను ఎదుర్కొన్న హైపోథెటికల్ సిచ్యువేషన్ గురించి రీసెంట్ ఇంటర్వ్యూలో తెలిపింది. తప్పనిసరి పరిస్థితుల్లో ఆలియా భట్‌తో కలిసి మెన్స్ బాత్‌రూమ్‌లోకి దూరాల్సివచ్చిన సంఘటనను వివరించింది. ఉమెన్ రెస్ట్ రూమ్ దగ్గర భారీ క్యూ ఉండటంతో అలా చేశామన్న దీపిక.. బెర్లిన్‌లోని కోల్డ్ ప్లే కన్సర్ట్‌లో పాల్గొన్న సమయంలో ఈ ఇన్సిడెంట్ జరిగినట్లు చెప్పింది. ఇక ఈ ఘటన తర్వాత ఆలియా తన పార్ట్‌నర్ ఇన్ క్రైమ్ అయిపోయిందంటూ సరదాగా వ్యాఖ్యానించింది.
అయితే ఇదే ఇంటర్వ్యూలో దీపిక మెన్స్ వాష్ రూమ్ యూజ్ చేస్తుందా లేదా? అని అనన్యా పాండే, సిద్ధాంత్ చతుర్వేది, శకున్ బత్రాను అడిగితే.. వంద శాతం చేస్తుందని శకున్, క్లీన్‌గా ఉంటే యూజ్ చేస్తుందని అనన్య చెప్పింది. అయితే సిద్ధాంత్ చతుర్వేది మాత్రం అలా చేయదని చెప్పుకొచ్చాడు.