NTR-janhvi kapoor: ‘దేవర’ థర్డ్ సాంగ్ రిలీజ్‌కు డేట్ ఫిక్స్.. హీట్ పుట్టిస్తున్న ఎన్టీఆర్-జాన్వీ రొమాంటిక్ పోస్టర్
టాలీవుడ్ స్టార్ హీరో ఎన్టీఆర్, బాలీవుడ్ యంగ్ బ్యూటీ జాన్వీ కపూర్ జంటగా నటిస్తున్న భారీ బడ్జెట్ మూవీ ‘దేవర’.
దిశ, సినిమా: టాలీవుడ్ స్టార్ హీరో ఎన్టీఆర్, బాలీవుడ్ యంగ్ బ్యూటీ జాన్వీ కపూర్ జంటగా నటిస్తున్న భారీ బడ్జెట్ మూవీ ‘దేవర’. దీనిని స్టార్ డైరెక్టర్ కొరటాల శివ రెండు పార్టులుగా తెరకెక్కిస్తున్నాడు. మిక్కిలినేని సుధాకర్‌, కొసరాజు హరికృష్ణ ఎన్టీఆర్ ఆర్ట్స్, యువ సుధా ఆర్ట్స్ బ్యానర్లపై సంయుక్తంగా నిర్మిస్తున్నారు. అయితే ఇందులో సైఫ్ అలీఖాన్ విలన్ పాత్రలో నటిస్తున్నాడు. ఇప్పటికే దేవర సినిమా నుంచి విడుదలైన పోస్టర్స్, గ్లింప్స్, సాంగ్స్ భారీ హైప్‌ను పెంచేశాయి. ఇక ఇటీవల విడుదలైన చుట్టమల్లె సాంగ్ అయితే విపరీతంగా ఆకట్టుకుంది.
అంతేకాకుండా సోషల్ మీడియాను షేక్ చేసేలా వ్యూస్ రాబట్టింది. అయితే తెలుగు, హిందీ, తమిళ, కన్నడ, మలయాళ భాషల్లో దేవర పార్ట్-1 సెప్టెంబర్ 27న గ్రాండ్‌గా థియేటర్స్‌లో విడుదల కాబోతుంది. ఈ క్రమంలో.. తాజాగా, మేకర్స్ థర్డ్ సాంగ్‌పై అప్డేట్ విడుదల చేసి అందరి దృష్టిని ఆకర్శించారు. మరీ ముఖ్యంగా ఎన్టీఆర్, జాన్వీ రొమాంటిక్ పోస్టర్ షేర్ చేయడంతో అది కాస్త సోషల్ మీడియాను షేక్ చేస్తోంది. అయితే దేవరలోని మూడో పాట దావుడి డ్యూయెట్‌ను వీడియోను సెప్టెంబర్ 4న ప్రేక్షకుల ముందుకు తీసుకు రాబోతున్నట్లు అధికారిక ప్రకటనను ట్విట్టర్ వేదికగా విడుదల చేశారు.