ప్రభాస్ ‘రాజా సాబ్’ నుంచి క్రేజీ అప్డేట్..

 దిశ, సినిమా: దాదాపు ఐదు ఏళ్ళ తర్వాత ‘సలార్’ సినిమాతో సూపర్ సక్సెస్ అందుకున్నాడు రెబల్ స్టార్ ప్రభాస్. ప్రస్తుతం ఆయన ఖాతాలో ఒకటి రెండు కాదు ఎన్నో భారీ సినిమాలు ఉన్నాయి. అందులో ‘కల్కి 2898 AD’ ఈ ఏడాది విడుదల కానుంది. అలాగే ‘సలార్ 2’, ‘స్పిరిట్’, ‘రాజా సాబ్’ సినిమాలు కూడా బ్యాక్ టు బ్యాక్ రిలీజ్ కానున్నాయి. ఇక ఈ మూడు చిత్రాలను ఇప్పటికే ప్రకటించగా ‘కల్కి 2898 AD’ షూటింగ్‌ను పూర్తి చేసిన తర్వాత, డార్లింగ్ సందీప్ రెడ్డి వంగా డైరెక్ట్ చేస్తున్న ‘స్పిరిట్’ షూటింగ్ లో జాయిన్ అవ్వనున్నారని ఇటీవల ప్రకటించారు. అయితే ఇంతలోనే, ప్రభాస్ మూడవ చిత్రానికి సంబంధించి ఓ క్రేజీ అప్‌డేట్ వచ్చింది. ఏంటీ అంటే ‘సలార్ 2’ లేదా ‘స్పిరిట్’ సినిమాలు కాకుండా ప్రభాస్ ‘ది రాజా సాబ్’ మూవీ షూట్ లో జాయిన్ అవ్వబోతున్నాడట.

దర్శకుడు మారుతి తెరకెక్కిస్తున్న ఈ మూవీ ఫస్ట్‌లుక్ ఇటీవలే రివీల్ చేయగా ఇందులో ప్రభాస్ లుంగీ కట్టుకుని కనిపించాడు. తెలుగు, తమిళం, కన్నడ, మలయాళం, హిందీ భాషల్లో ఈ సినిమాను జనవరి 15న ఈ సినిమాను రిలీజ్ చేయాలని గట్టిగా ఫిక్స్ అయ్యారట మేకర్స్. దీంతో ఈ జూన్ లేదా జూలైలో ప్రభాస్ ‘ది రాజా సాబ్’ షూటింగ్ ప్రారంభించే అవకాశాలు ఉన్నట్లు వార్తలు వినిపిస్తున్నాయి. ఇక ఈ మూవీ షూటింగ్ అనుకున్న సమయానికి పూర్తి చేస్తే 2025 సంక్రాంతి కానుకగా భారీగా విడుదల అవుతుంది.