మెగాస్టార్ కొత్త స్ట్రాటజీ.. మరోసారి తెరపైకి 'ముఠామేస్త్రి'

దిశ, సినిమా : లేటు వయసులోనూ యువ హీరోలకు పోటీనిస్తున్న మెగాస్టార్ చిరంజీవి ప్రస్తుతం వరుస సినిమాలతో బిజీగా ఉన్నారు. ఆయన మొత్తం నాలుగు చిత్రాలను లైన్‌లో పెట్టగా ఏకకాలంలో రెండు చిత్రాల షూటింగ్స్‌లో పాల్గొంటున్నారు. వీటిలో బాబీ దర్శకత్వంలో తెరకెక్కుతున్న 'వాల్తేరు వీరయ్య'తో పాటు 'గాడ్‌ఫాదర్, భోళా శంకర్' వంటి రీమేక్ మూవీస్ కూడా ఉన్నాయి. అయితే, రీమేక్స్‌లో నటించడం సేఫ్ గేమ్ అయినప్పటికీ ముందుగా స్ట్రెయిట్ ఫిల్మ్‌తోనే హిట్ కొట్టాలని నిర్ణయించుకున్నాడట చిరు. పైగా 'వాల్తేరు వీరయ్య' మూవీకి తన ఓల్డ్ పిక్చర్ 'ముఠా మేస్త్రి'కి దగ్గరి పోలికలున్నట్లు గతంలో విడుదలైన పోస్టర్ చూస్తే అర్థమవుతోంది.

వైజాగ్ బ్రాక్‌డ్రాప్‌లో సాగే ఈ చిత్రంలో శ్రుతిహాస‌న్ హీరోయిన్‌గా న‌టిస్తుండగా.. మాస్‌ మహరాజ్ ర‌వితేజ కీల‌క‌ పాత్ర పోషిస్తున్నాడు. నిజానికి మైత్రీ మూవీ మేక‌ర్స్ నిర్మిస్తున్న ఈ ప్రాజెక్ట్‌పై చిరు ఇప్పటివరకు తగినంత శ్రద్ధ చూపలేదు. కానీ ప్రస్తుత పరిస్థితుల నేపథ్యంలో 'గాడ్ ఫాదర్, భోళా శంకర్' కంటే ముందే ఈ సినిమా రిలీజ్ చేసేందుకు చిరు సిద్ధమైనట్లు తెలుస్తోంది. మెత్తానికి వెండితెరపై 'వాల్తేరు వీరయ్య' రూపంలో మరోసారి 'ముఠా మేస్త్రి'ని చూసే అవకాశం ఉందని ఫ్యాన్స్ భావిస్తున్నారు. కాగా ఇది మెగాస్టార్‌కు 154వ సినిమా కావడం విశేషం.