తేజా సజ్జా నా కలను నెరవేర్చి.. సంతృప్తి పరిచాడంటూ చిరంజీవి ఎమోషనల్ కామెంట్స్! (వీడియో)

దిశ, సినిమా: మెగాస్టార్ చిరంజీవి ఎన్నో చిత్రాల్లో నటించి స్టార్ హీరోగా ప్రత్యేక మార్క్‌ను క్రియేట్ చేసుకున్నాడు. ఇప్పటికీ వరుస చిత్రాల్లో నటిస్తూ కుర్ర హీరోలకు పోటీగా నిలుస్తున్నాడు. ప్రస్తుతం చిరంజీవి.. డైరెక్టర్ వశిష్ట డైరెక్షన్‌లో విశ్వంభర సినిమాలో చేస్తున్న సంగతి తెలిసిందే. ఇందులో హీరోయిన్‌గా త్రిష నటిస్తుంది. ఇప్పటికే విశ్వంభర మూవీ షూటింగ్ మొదలైంది. దీని కోసం చిరంజీవి బాగానే కష్టపడుతున్నట్లు తెలుస్తోంది. ఇటీవల జిమ్‌లో తెగ కష్టపడుతున్న వీడియో బయటకు రావడంతో అంతా షాక్ అయ్యారు. హిట్ కొట్టాలని భారీగా చిరు ప్లాన్ చేసుకున్నాడని అందుకే ఇవన్నీ చేస్తున్నాడని ఫ్యాన్స్ అభిప్రాయపడ్డారు. ఇదిలా ఉంటే.. తాజాగా, చిరంజీవి 2024 సౌత్ ఇండియా ఫెస్టివల్‌ కార్యక్రమానికి చీఫ్ గెస్టుగా వెళ్లారు.

ఇందులో భాగంగా హనుమాన్ హీరో తేజా సజ్జాపై ప్రశంసలు కురిపించాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఇందులో మీకు అవకాశం వస్తే ఎలాంటి సినిమాలో నటిస్తారు అని అడగ్గా.. చిరంజీవి స్పందిస్తూ.. ‘‘ ఆ విషయం చెప్పేకంటే ముందు నేను ఒకటి చెప్తాను. అక్కడ జాకెట్ వేసుకుని కూర్చున్న అబ్బాయి హనుమాన్ చేశాడు. అతను నాతో బాలనటుడిగా నటించి కెరీర్ ప్రారంభించాడు. దాదాపు 25 ఏళ్లు అవుతుంది. తర్వాత ఇంద్ర సినిమాలో మళ్లీ నాతోనే నటించాడు. అప్పటికీ.. ఇప్పటికీ అతను చాలా ఎదిగాడు. తనకు ఫిలిం ఇండస్ట్రీలో ఎలాంటి బ్యాక్ గ్రౌండ్ లేదు. నన్ను చాలా ఇష్టపడతాడు.. నా సినిమాలు చూసి ఇన్స్పైర్ అయ్యేవాడు. అలాగే తను పెరిగి పెద్దయ్యాడు. ఇప్పుడు హనుమాన్ అనే సినిమాలో నటించాడు.

నాకూడా ఒక చిత్రం చేయాలని ఉండేది. చాలా రోజుల నుంచి నేను హనుమాన్‌పై ఒక సినిమా చేయాలని అనుకుంటున్నాను. కానీ అతను హనుమాన్ చేశాక నా కల నెరవేరింది నేను చాలా సంతృప్తి పొందాను. ఎందుకంటే నేను తనని వేరుగా చూడటం లేదు. నా ప్రయాణంలో ఒక భాగం. తనను తాను నిరూపించుకున్నాడు. ఇప్పుడు యావత్ భారతదేశం అతనిని మెచ్చుకుంటుంది. ఇది నిజంగానే ప్రశంసనీయం. గాడ్ బ్లెస్ యు మై చైల్డ్’’ అంటూ చెప్పుకొచ్చాడు. చిరు మాట్లాడుతుండగా.. ఈ కార్యక్రమంలో పాల్గొన్న తేజా సజ్జా లేచి నిల్చొని దండం పెట్టి ధన్యవాదాలు చెప్పాడు. ప్రస్తుతం దీనికి సంబంధించిన వీడియో సోషల్ మీడియాలో చక్కర్లు కొడుతోంది. దీంతో అది చూసిన నెటిజన్లు అంత మందిలో బాస్ మెచ్చుకోవడం అదృష్టమని అంటున్నారు.