మళ్లీ ఇన్నేళ్లకు చిరంజీవి సినిమా‌లో రీ ఎంట్రీ ఇస్తున్న.. బ్యూటిఫుల్ హీరోయిన్

దిశ, సినిమా: నటించింది తక్కువ సినిమాలే అయిన ప్రేక్షకుల్లో మాత్రం కొంతమంది హీరోయిన్‌లు మంచి గుర్తింపు సంపాదించుకుంటారు. వారి నటన, అందం తో ఎంతో ఆకట్టుకుంటారు. అలాంటి నటిమనుల్లో ఇషా చావ్లా ఒకరు. ‘ప్రేమ కావాలి’ చిత్రం ద్వారా హీరోయిన్ గా పరిచయం అయిన ఇషా చావ్లా మొదటి మూవీతోనే మంచి క్రేజ్ సంపాదించుకుంది. ఆ తర్వాత నందమూరి బాలకృష్ణ సరసన ‘శ్రీమన్నారాయణ’ సినిమాలో మెరిసింది. అలాగే సునీల్ సరసన ‘పూలరంగడు’, ‘మిస్టర్ పెళ్ళికొడుకు’ అనే రెండు చిత్రాల్లో నటించి తెలుగు ప్రేక్షకులను ఎంతో అలరించింది. ఇక ఈ భామ తెరపై కనిపించి చాలా కాలం అవుతుంది.

అయితే తాజా సమాచారం ప్రకారం ఇషా చావ్లా రీ ఎంట్రీ ఇచ్చేందుకు సిద్ధం అవుతుందని తెలుస్తోంది. అది కూడా చిరంజీవి నటిస్తున్న తాజా చిత్రం ‘విశ్వంభర’ మూవీలో హీరోయిన్ గా నటించనుందట. వశిష్ట దర్శకత్వంలో తెరకెక్కుతున్న ఈ చిత్రంలో చిరు కి జోడిగా మొత్తం మూగురు హీరోయిన్‌లు నటించాల్సి ఉంది. కాగా ఇప్పటికే ఈ సినిమాలో త్రిష హీరోయిన్ గా కన్మార్మ్ అవ్వగా. త్రిషతో పాటు మరో ఇద్దరు భామలు కూడా ఇందులో నటిస్తున్నట్లు సమాచారం. ఆ ఇద్దరిలో ఒకరు సురభి కాగా.. మరొకరు ఇషా చావ్లా. ఇక చాలా ఏళ్లకు ఇషా బంపర్ ఆఫర్ కొట్టేసింది.. ఏకంగా మెగాస్టార్ సినిమాతో ఎంట్రీ ఇవ్వనుంది.