చరణ్, ఉపాసన గారాల పట్టీ క్లీన్ కారాకు ప్రభాస్ కల్కి ‘బుజ్జి’ గిఫ్ట్!.. వారికి కూడా
పాన్ ఇండియా స్టార్ ప్రభాస్, డైరెక్టర్ నాగ్ అశ్విన్ కాంబోలో తెరకెక్కుతున్న సినిమా ‘కల్కి 2898 AD’.
దిశ, సినిమా: పాన్ ఇండియా స్టార్ ప్రభాస్, డైరెక్టర్ నాగ్ అశ్విన్ కాంబోలో తెరకెక్కుతున్న సినిమా ‘కల్కి 2898 AD’. అయితే కల్కి మూవీలోని బుజ్జిని లాంచ్ చేయడానికి ఓ గ్రాండ్ ఈవెంట్‌ చేశారనే విషయం తెలిసిందే. ఆ క్రమంలోనే ప్రమోషన్స్‌లో భాగంగా సరికొత్తగా ఈ సినిమాలో క్యారెక్టర్స్ తో కాకుండా ప్రభాస్ వాడిన వెహికల్, బుజ్జి అనే చిన్ని రోబోతో కల్కి ప్రమోషన్స్ చేస్తున్నారు. ఇటీవలే బుజ్జి & భైరవ యానిమేషన్ సిరీస్ కూడా వచ్చింది. బుజ్జి, భైరవ క్యారెక్టర్స్ తో ఈ సినిమాను పిల్లలకు బాగా దగ్గర చేయాలనుకున్న మూవీ టీం ఈ క్రమంలో బుజ్జి, భైరవ స్టిక్కర్స్, బొమ్మలు, టీషర్ట్స్ అమ్ముతున్నారు. అలాగే కొంతమందికి ఫ్రీగా కూడా ఇస్తున్నారు. తాజాగా సినీ పరిశ్రమలోని సెలబ్రిటీ పిల్లలకు కల్కి మూవీ టీమ్ నుంచి బుజ్జి & భైరవ స్పెషల్ గిఫ్టులు పంపిస్తున్నారు.
అందులో భాగంగా రామ్ చరణ్, ఉపాసనల గారాల పట్టీ క్లీన్ కారాకు ఈ బుజ్జి గిఫ్ట్ ని పంపించింది కల్కి టీం. ఈ గిఫ్ట్ లో ఆ వెహికల్ బొమ్మ, బుజ్జి రోబో బొమ్మ, కొన్ని స్టిక్కర్స్, కల్కి పోస్టర్స్, ఒక లెటర్ ఉన్నాయి. క్లీన్ కారా ఆ బుజ్జి వెహికల్ తో ఆడుకుంటున్న ఫోటోని ఉపాసన తన ఇన్‌స్టాగ్రామ్ స్టోరీలో పోస్ట్ చేసి థాంక్స్ చెప్తూ కల్కి టీం కి ఆల్ ది బెస్ట్ చెప్పింది. దీంతో ఈ ఫోటో వైరల్ గా మారింది. అయితే ఈ ఫొటోలో కూడా క్లీన్ కారా ఫేస్ కనిపించకుండా జాగ్రత్త పడ్డారు.అలాగే ఈ బుజ్జి గిఫ్టులు సినీ పరిశ్రమలోని మరి కొంతమంది సెలబ్రిటీల పిల్లలకు కూడా పంపించినట్లు సమాచారం.