ఇండస్ట్రీలో తీవ్ర విషాదం.. 37 వయసులో కమెడియన్ మృతి పోస్ట్ వైరల్

దిశ, సినిమా: గత కొద్ది రోజుల నుంచి ఇండస్ట్రీలో వరుస విషాదాలు చోటుచేసుకుంటూ ప్రేక్షకులను ఆందోళనకు గురి చేస్తున్నాయి. అయితే కొందరు అనారోగ్య సమస్యల కారణంగా మరణిస్తే.. మరి కొందరు ఊహించని విధంగా గుండెపోటుతో మృతి చెందుతూ అందరినీ షాక్‌కు గురి చేస్తున్నారు. ఈ క్రమంలో.. తాజాగా, మలయాళ నటుడు, కమెడియన్ నిర్మల్ బెన్నీ (37) గుండెపోటుతో మరణించాడు. ఈ విషయాన్ని నిర్మాత సంజయ్ పడియూర్ ఇన్‌స్టా వేదికగా ప్రకటించాడు. ‘‘బరువెక్కిన హృదయంతో నా ప్రియ మిత్రునికి వీడ్కోలు పలుకుతున్నాను.

ఈరోజు తెల్లవారుజామున గుండెపోటుతో ఆయన మరణించారు. నా ప్రియమైన మిత్రుడు ఆత్మకు శాంతి చేకూరాలని ఆ భగవంతుడిని ప్రార్థిస్తున్నాను. శాశ్వత శాంతితో విశ్రాంతి తీసుకోండి. ఆమెన్ చిత్రంలో నిర్మల్ బెన్నీ కీలక పాత్రలో చేశాడు’’ అని రాసుకొచ్చాడు. ఇక ఈ విషయం తెలిసిందే ఫ్యాన్స్ ఆందోళన చెందుతున్నారు. కాగా.. నిర్మల్ బెన్నీ వెల్‌కమ్ టూ న్యూబీస్ సినిమాతో సినీ ఇండస్ట్రీకి పరిచయం అయి.. ఆమెన్ కొచ్చాచన్ సినిమాతో ఫుల్ పాపులారిటీ సంపాదించుకున్నాడు. ఆయన ఓ సినిమాలో హీరోగా కూడా నటించి మెప్పించాడు.

(Video Link Credits to sanjaypadiyoor Instagram Channel)