పాన్ ఇండియా స్టార్ ప్రభాస్ ఫ్యామిలీ నుంచి మరో హీరో.. డైరెక్టర్‌గా డ్యాన్స్ మాస్టర్

దిశ, సినిమా: పాన్ ఇండియా స్టార్ ప్రభాస్ ప్రస్తుతం వరుస ప్రాజెక్ట్‌లతో దూసుకుపోతున్నాడు. రీసెంట్‌గా ప్రశాంత్ నీల్ దర్శకత్వంలో వచ్చిన ‘సలార్’ మూవీతో బ్లాక్ బస్టర్ హిట్ అందుకున్న ఈయన.. ప్రజెంట్ ‘కల్కి 2898, స్పిరిట్, రాజా సాబ్’ వంటి సినిమాలతో బిజీగా ఉన్నాడు. ఇదిలా ఉంటే.. ప్రభాస్ ఫ్యామిలీకి సంబంధించి ఓ హాటెస్ట్ న్యూస్ నెట్టింట వైరల్ అవుతోంది. ఆ విషయాల్లోకి వెళితే..

ఇప్పటికే ప్రభాస్ ఫ్యామిలీ నుంచి అతడి సోదరుడు, అలనాటి స్టార్ హీరో కృష్ణం రాజు కుమారుడు ఇండస్ట్రీ ఎంట్రీ ఇచ్చిన విషయం తెలిసిందే. కానీ సక్సెస్ మాత్రం అందుకోలేకపోయాడు. ఈ క్రమంలోనే ప్రభాస్ ఫ్యామిలీ నుంచి ఇప్పుడు మరో హీరో ఇండస్ట్రీ ఎంట్రీ ఇచ్చేందుకు రెడీగా ఉన్నట్లు తెలుస్తోంది. అతడు మరెవరో కాదు.. కృష్ణంరాజు బంధువు, ప్రభాస్‌కి కజిన్‌ అయ్యే విరాట్‌ రాజ్‌. అతడు హీరోగా టాలీవుడ్‌కి పరిచయం అయ్యేందుకు రెడీగా ఉన్నాడు.

‘గౌడ్ సాబ్’ అనే టైటిల్‌తో రాబోతున్న ఈ చిత్రానికి స్టార్ కొరియోగ్రాఫర్ గణేష్ మాస్టర్ దర్శకత్వం వహిస్తున్నట్లు తెలుస్తోంది. మల్లీశ్వరి సమర్పణలో శ్రీపాద ఫిల్మ్స్ పతాకంపై ఎస్‌ఆర్‌ కళ్యాణమండపం రాజు, కల్వకోట వెంకటరమణ, కటారి సాయి కృష్ణ కార్తీక్‌ సంయుక్తంగా నిర్మిస్తున్న ఈ మూవీని రామానాయుడు స్టూడియోలో బుధవారం గ్రాండ్‌గా ప్రారంభించారు. కాగా.. ఈ మూవీ గురించి మరిన్ని వివరాలు తెలియాల్సి ఉంది.