NTR: ‘దేవర’ మూడో పాటపై అప్డేట్ ఇచ్చిన అనిరుధ్.. అంచనాలను పెంచేస్తున్న ట్వీట్

దిశ, సినిమా: ప్రేక్షకులు ఎంతో ఆసక్తిగా ఎదురుచూస్తున్న పాన్ ఇండియా మూవీ ‘దేవర’. టాలీవుడ్ స్టార్ హీరో ఎన్టీఆర్, కొరటాల శివ కాంబోలో తెరకెక్కుతున్న ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుంది. అలాగే బాలీవుడ్ స్టార్ హీరో సైఫ్ అలీఖాన్, బాబీ డియోల్ కీలక పాత్రలో కనిపించబోతున్నారు. అయితే ఈ సినిమా రెండు పార్టులుగా రాబోతుండగా.. మొదటి పార్ట్ సెప్టెంబర్ 27వ తేదీన తెలుగు, హిందీ, తమిళం, కన్నడ, మలయాళం భాషల్లో గ్రాండ్‌గా విడుదల కాబోతుంది.

అయితే ఇప్పటికే దేవర నుంచి విడుదలైన అప్డేట్స్ అన్ని సినిమాపై భారీ అంచనాలు పెంచడంతో పాటు ప్రేక్షకులను మెప్పించాయి. ఇక ఇటీవల వచ్చిన దేవర సెకండ్ సింగిల్ చుట్టమల్లె సాంగ్ భారీ వ్యూస్ సంపాదించిన సంగతి తెలిసిందే. ఈ క్రమంలో.. అందరి దృష్టి దేవర మూడో పాటపై పడింది. ఇక విడుదల తేదీ దగ్గర పడుతుండటంతో చిత్ర యూనిట్ మ్యూజికల్ ప్రమోషన్స్ మొదలెట్టారు.

తాజాగా, మ్యూజిక్ డైరెక్టర్ అనిరుధ్ రవిచందర్ దేవర థర్డ్ పాటపై అప్డేట్ ఇస్తూ ట్విట్టర్ వేదికగా ఓ పోస్ట్ పెట్టి అంచనాలను పెంచేశాడు. ఈ సినిమాలోని మూడో పాట ‘దావుడి’. ఇది తారక్ అన్న జాన్వీ మధ్య ఉంటుంది. ఆన్ ఫైర్ అంటూ డాన్స్ చేస్తున్న ఎమోజీలను షేర్ చేశాడు. ప్రజెంట్ అనిరుధ్ పోస్ట్ సోషల్ మీడియాలో వైరల్ అవుతోంది. ఇక అది చూసిన నందమూరి ఫ్యాన్స్ ఎప్పుడు వస్తుందో డేట్ చెప్పాలని కామెంట్స్ పెడుతున్నారు.