Sharwanand: ప్రాథమిక నీతిని మర్చిపోయి అలా చేయకూడదని ఆ మాత్రం తెలియక పోతే ఎలా.. శర్వానంద్ ఫైర్ (పోస్ట్)

దిశ, సినిమా: పాన్ ఇండియా స్టార్ ప్రభాస్‌పై బాలీవుడ్ నటుడు చేసిన కామెంట్స్ గత కొద్ది రోజుల నుంచి నెట్టింట దుమారం రేపుతున్న విషయం తెలిసిందే. ఇటీవల ఆయన నటించిన కల్కి మూవీలోని లుక్ జోకర్‌లా ఉందంటూ అర్షద్ వార్సి కామెంట్స్ చేయడంతో డార్లింగ్ ఫ్యాన్స్‌తో పాటు టాలీవుడ్ హీరోలంతా తమదైన శైలిలో రియాక్ట్ అవుతున్నారు. దీనిని సీరియస్‌గా తీసుకుని ఒక్కరొక్కరుగా ఆయనపై మండిపడుతున్నారు. అంతేకాకుండా సోషల్ మీడియాలో పోస్టులు పెడుతున్నారు. ఈ విషయంపై మంచు విష్ణు ఊహించని విధంగా ఓ సినీ టీవీ ఆర్టిస్ట్స్ అసోసియేషన్ అధ్యక్షరాలు పూనమ్ ధిల్లాన్‌కు లేఖ కూడా రాశాడు.

అలాగే నాని, సూధీర్ బాబు కూడా అర్షద్‌పై ఫైర్ అయ్యారు. ఇక ఈ లిస్ట్‌లో టాలీవుడ్ హీరో శర్వానంద్ కూడా చేరిపోయాడు. అర్షద్ అలా అనడం కరెక్ట్ కాదంటూ ట్విట్టర్ వేదికగా పోస్ట్ పెట్టాడు. ‘‘ఒక నటుడు మరో నటుడిని ఎప్పుడూ విమర్శించకూడదు. అది ప్రాథమిక నీతి. అలా చేయకూడదని తెలియక పోతే ఎలా అన్నట్లుగా రాసుకొచ్చాడు. ఇక శర్వానంద్ పోస్ట్ వైరల్ అవుతుండగా.. డార్లింగ్ ఫ్యాన్స్ హ్యాపీ గా ఫీల్ అవుతున్నారు.