‘బేబి హీరోయిన్ వైష్ణవి చైతన్యకు ఊహించని గిఫ్ట్ ఇచ్చిన అల్లు అర్జున్

దిశ, సినిమా: రీసెంట్‌గా చిన్న సినిమాగా వచ్చి భారీ హిట్ అందుకున్న మూవీ ‘బేబి’. సాయి రాజేష్ దర్శకత్వంలో తెరకెక్కిన ఈ సినిమా యూత్‌కు బాగా కనెక్ట్ అయింది. ఇక హీరోయిన్ వైష్ణవి చైతన్య తన నటనతో పెద్ద ఎత్తున ప్రేక్షకులను మెప్పించి ఓవర్ నైట్‌లో ఫేమ్ సంపాదించుకుంది. అప్పటి వరకు షార్ట్ ఫిలిమ్స్, సినిమాలలో చిన్న చిన్న పాత్రలలో నటించిన ఈ ముద్దుగుమ్మ.. ఈ మూవీతో మంచి గుర్తింపు తెచ్చుకుంది. దీంతో వరుస ఆఫర్లు లైన్ కడుతున్నాయి.

అయితే తాజాగా వైష్ణవి చైతన్య కోసం అల్లు అర్జున్ ఊహించని విధంగా సర్‌ప్రైజ్ గిఫ్ట్ పంపించినట్లుగా ఒక వార్త వైరల్ అవుతుంది. ఏకంగా రూ. 20 లక్షల రూపాయల చెక్ పంపించాడని సోషల్ మీడియాలో చర్చలు మొదలయ్యాయి. ఇందులో నిజమెంతుందో తెలియదు కానీ.. అసలు అల్లు అర్జున్ అంత పెద్ద మొత్తంలో చెక్ పంపించడానికి కారణం ఏంటా? అనే సందేహాలు మాత్రం వ్యక్తం అవుతున్నాయి.