నాగార్జున ఇంట మోగనున్న పెళ్లి బాజా.. ఆ రోజు కోసం మూహూర్తం ఫిక్స్ !

దిశ, సినిమా: అక్కినేని నాగేశ్వరరావు మనవరాలు సుప్రియ గురించి పరిచయం అక్కర్లేదు. పవన్ కళ్యాణ్ సరసన ‘అక్కడ అమ్మాయి.. ఇక్కడ అబ్బాయి’ మూవీలో నటించి, ఆ తర్వాత సినిమాలకు దూరంగా ఉంటూ, అన్నపూర్ణ స్టూడియోస్ కార్యకలాపాలు దగ్గరుండి చూసుకుంటోంది. ఇక టాలీవుడ్ యంగ్ హీరో అడివి శేష్‌, సుప్రియ కొంతకాలంగా డేటింగ్‌లో ఉన్నారని, త్వరలోనే పెళ్లి చేసుకోబోతున్నారని వార్తలు వినిపించాయి. కానీ గతంలో ఈ విషయంపై స్పందించిన అడవిశేష్ అలాంటిదేమీ లేదని కొట్టిపారేశాడు. అయినప్పటికీ సుప్రియ, అడవి శేష్ కలిసి తరచూ ప్రైవేట్ పార్టీలకు, పబ్బులకు వెళ్తూ కెమెరాకు చిక్కారు. అయితే తాజాగా ఈ జంట జూన్ 16న పెళ్లి పిటలెక్కబోతున్నట్లు సోషల్ మీడియాలో డిస్కషన్ నడుస్తోంది. అయితే ఇది ఎంతవరకు నిజమో ఇంకా తెలియాల్సి ఉంది.