నటి ఖుష్బూ సుందర్‌కు గాయం.. ఫొటో వైరల్.. ఆందోళనలో ఫ్యాన్స్ (పోస్ట్)

దిశ, సినిమా: ఒకప్పటి స్టార్ హీరోయిన్ ఖుష్భూ సుందర్ టాలీవుడ్ స్టార్ హీరోల సినిమాల్లో నటించి మెప్పించింది. 200 చిత్రాల్లో నటించిన ఆమె.. హీరోయిన్‌గా, క్యారెక్టర్ ఆర్టిస్ట్‌గా చేసి అందరి ప్రశంసలు అందుకుంది. అలాగే టీవీ సీరియల్స్‌లో కూడా నటించింది. గత కొద్ది కాలంగా ఇండస్ట్రీకి దూరంగా ఉంటున్న ఖుష్భూ రాజకీయాల్లో ఫుల్ యాక్టివ్‌గా ఉంటుంది. అలాగే సోషల్ మీడియాలోనూ పలు విషయాలపై రియాక్ట్ అవుతూ పోస్టులు పెడుతూ వార్తల్లో నిలుస్తోంది.

ఈ క్రమంలో.. తాజాగా, ఖుష్బూ తన కాలికి గాయం అయిన ఫొటో షేర్ చేస్తూ ఓ పోస్ట్ పెట్టింది. ‘‘ నేను నా బెస్టీ.. గ్రేట్ కంపెనీ’’ అని రాసుకొచ్చి మోకాలి గాయంతో పాటు పెట్ పడుకున్న పిక్ షేర్ చేసింది. కానీ గాయానికి కారణం ఏంటి? ఎలా జరిగిందనే విషయాలు ఏవీ తెలియ చేయలేదు. ఇక ఈ పోస్ట్ చూసిన ఫ్యాన్స్ ఆమెకు ఏమైందా అని ఆందోళన చెందున్నారు. అలాగే ఆమె తొందరగా గాయం నుంచి కోలుకోవాలని ప్రార్థిస్తున్నారు.

(Video Link Credits to khushsundar Instagram Channel)