ఆకర్షిస్తున్న మోడర్న్ ఇల్లు.. కేవలం రూ.6 లక్షలే!

దిశ, కోదాడ : గృహ నిర్మాణ సామగ్రి ధరలు రోజురోజుకూ పెరుగుతున్న తరుణంలో కొత్తగా ఇల్లు నిర్మించుకోవాలనుకునే వారు ప్రత్యామ్నాయ మార్గాలపై దృష్టి పెడుతున్నారు. ఈ క్రమంలోనే సూర్యాపేట జిల్లా కోదాడ మండలం గుడిబండ గ్రామానికి చెందిన చింతా అనంత రామిరెడ్డి ఫ్యాబ్రికేటెడ్‌ ‌హౌస్‌‌ను కొనుగోలు చేశారు. దీనిని ‌తన పొలం వద్ద ఏర్పాటు చేయడం కోదాడ ప్రాంత వాసులను ఆకర్షించింది.

రూ.6 లక్షల వ్యయంతో రూపొందిన ఈ సింగిల్‌‌ బెడ్‌‌రూం ఇంటిని ట్రాలీ లారీతో తీసుకువచ్చి క్రేన్ల సహాయంతో పిల్లర్లపై అమర్చారు. పూర్తిగా ఆధునిక సౌకర్యాలున్న ఈ ఇల్లు కేవలం రూ.6 లక్షలకే లభించడం.. నిర్మాణ వ్యయ, ప్రయాసలు లేకపోవడంతో పలువురు దీనిపై ఆసక్తి చూపుతున్నారు. సింగిల్‌‌ బెడ్‌‌రూంలోనే కాకుండా ఈ ఇళ్లు డబుల్‌‌బెడ్‌‌రూం, డ్యూప్లెక్స్‌ ‌డిజైన్లలో కూడా లభిస్తున్నాయి. అయితే, సౌకర్యాలు, ఆయా డిజైన్లకు అనుగుణంగా ధరలు ఉన్నాయని అనంతరామిరెడ్డి వెల్లడించారు.