రేవంత్‌పై విమర్శలు.. ఎమ్మెల్యే దిష్టిబొమ్మ దగ్ధం
దిశ, కామారెడ్డి: పీసీసీ చీఫ్ రేవంత్ రెడ్డిని విమర్శించినందుకు నిరసనగా కామారెడ్డి పట్టణ యువజన కాంగ్రెస్ పార్టీ ఆధ్వర్యంలో జిల్లా కేంద్రంలోని రైల్వే స్టేషన్ చౌరస్తాలో ఎమ్మెల్యే సుధీర్ రెడ్డి దిష్టిబొమ్మను దహనం చేశారు. ఈ సందర్బంగా వారు మాట్లాడుతూ.. కాంగ్రెస్ పార్టీ పేరుపై గెలిచి టిఆర్ఎస్‌లో చేరిన 12 మంది ఎమ్మెల్యేలు తమ ఎమ్మెల్యే సభ్యత్వాలకు రాజీనామా చేసి టీఆర్‌ఎస్ పేరున గెలవాలని డిమాండ్ చేశారు. ఈ 12 మంది ఎమ్మెల్యేలు ఇప్పటి పీసీసీ అధ్యక్షుడు […]
దిశ, కామారెడ్డి: పీసీసీ చీఫ్ రేవంత్ రెడ్డిని విమర్శించినందుకు నిరసనగా కామారెడ్డి పట్టణ యువజన కాంగ్రెస్ పార్టీ ఆధ్వర్యంలో జిల్లా కేంద్రంలోని రైల్వే స్టేషన్ చౌరస్తాలో ఎమ్మెల్యే సుధీర్ రెడ్డి దిష్టిబొమ్మను దహనం చేశారు. ఈ సందర్బంగా వారు మాట్లాడుతూ.. కాంగ్రెస్ పార్టీ పేరుపై గెలిచి టిఆర్ఎస్‌లో చేరిన 12 మంది ఎమ్మెల్యేలు తమ ఎమ్మెల్యే సభ్యత్వాలకు రాజీనామా చేసి టీఆర్‌ఎస్ పేరున గెలవాలని డిమాండ్ చేశారు. ఈ 12 మంది ఎమ్మెల్యేలు ఇప్పటి పీసీసీ అధ్యక్షుడు రేవంత్ రెడ్డి ప్రచారం వల్లనే గెలిచారని తెలిపారు.
అలాంటిది ఈరోజు ఎమ్మెల్యే సుధీర్ రెడ్డి పీసీసీ అధ్యక్షులు రేవంత్ రెడ్డిని విమర్శించడం సిగ్గుచేటన్నారు. సుధీర్ రెడ్డి ఎమ్మెల్యేగా గెలవడానికి రేవంత్ రెడ్డి ప్రచారానికి రావాలని కోరిన దాఖలాలు మర్చిపోయావా? అని ప్రశ్నించారు. ఇకపై కాంగ్రెస్ పార్టీ పేరున గెలిచిన ఎమ్మెల్యేలను గ్రామాలలో తిరగనీయకుండా ప్రజలు తిరగబడాలన్నారు. ఈ కార్యక్రమంలో పట్టణ యువజన కాంగ్రెస్ అధ్యక్షుడు గుడుగుల శ్రీనివాస్, రాష్ట్ర యువజన కాంగ్రెస్ ప్రధాన కార్యదర్శి షేర్, కౌన్సిలర్ పాత శివ కృష్ణమూర్తి, మాజీ కౌన్సిలర్ గోనె శ్రీనివాస్, సీనియర్ నాయకులు బాలరాజు, యువజన కాంగ్రెస్ నాయకులు ఆదిక్, రవి, రంజిత్, శంకర్, సాయిరాం, అలీమ్, గంగాధర్ తదితరులు పాల్గొన్నారు