అభివృద్ధి పనులకు మంత్రి మల్లారెడ్డి శంకుస్థాపన..

దిశ, ఘట్కేసర్: మండల పరిధిలోని ప్రతాప సింగారం గ్రామంలో 1.5 కోట్లతో నిర్మిస్తున్న మల్టిపర్పస్ ఫంక్షన్ హాల్ కు మంగళవారం రాష్ట్ర కార్మిక ఉపాధి శాఖ మంత్రి చామకూర మల్లారెడ్డి, జడ్పీ చైర్మన్ మలిపెద్ది శరత్చంద్రారెడ్డితో కలిసి శంకుస్థాపన చేశారు. ఈ సందర్భంగా మంత్రి మాట్లాడుతూ.. ప్రతి గ్రామంలో మెరుగైన వసతుల కల్పనకు ప్రభుత్వం చర్యలు తీసుకుంటుందన్నారు. ప్రభుత్వం చేపడుతున్న అభివృద్ధి పనులకు ప్రజలు సహకరించాలని కోరారు. ఈ కార్యక్రమంలో తెరాస పార్టీ రాష్ట్ర ప్రధాన కార్యదర్శి మలిపెద్ది సుధీర్ రెడ్డి, ఎంపీపీ ఏనుగు సుదర్శన్ రెడ్డి, సర్పంచ్ వంగూరు శివ శంకర్, జిల్లా రైతు బంధు అధ్యక్షులు నారెడ్డి నందరెడ్డి , ఉపసర్పంచ్ లు , వార్డు సభ్యులు , మండల నాయకులు , కార్యకర్తలు గ్రామస్థులు పెద్దఎత్తున పాల్గొన్నారు.