పెళ్లి చేసుకున్న తనీష్ హీరోయిన్

దిశ, వెబ్‌డెస్క్: ‘మేము వయసుకు వచ్చాం’ ఫేమ్ నీతి టేలర్ పెళ్లి చేసుకున్నట్లు ప్రకటించింది. పలు హిందీ సీరియల్స్‌లో నటించిన భామకు భారీ ఫాలోయింగ్ ఉండగా.. తన ఫియాన్సీ పరిక్షిత్ భవతో ఆగస్ట్ 13న వివాహం జరిగినట్లు తెలిపింది. కరోనా కారణంగా చాలా దగ్గరి బంధువుల మధ్య పెళ్లి జరిగిందని.. కళ్యాణం గురించి ఇప్పుడు తెలిపేందుకు కూడా ఓ కారణం ఉందని చెప్పింది. కరోనా కారణంగా ఏర్పడిన పరిస్థితులు తొలగిపోయే అవకాశం ఉండటంతో ఈ మూమెంట్‌ను గొప్పగా సెలబ్రేట్ చేసుకోవాలనుకుంటున్నట్లు వెల్లడించింది.

https://www.instagram.com/p/CF_dY-iHLqi/?igshid=1gallesc0w8fl

2021 బెటర్‌గా ఉంటుందని నమ్ముతున్నట్లు తెలపిన నీతి.. ఈ సందర్భంగా పెళ్లికి సంబంధించిన వీడియోను సోషల్ మీడియాలో షేర్ చేసింది. మిస్ నుంచి మిసెస్‌గా మారిన ప్రయాణం బాగుందని.. ‘ఇప్పుడు గట్టిగా చెప్పగలను ఇతనే నా భర్త’ అంటూ హ్యాపీగా ఫీల్ అయింది. 2020లో తను క్రియేట్ చేసుకున్న హ్యాపీనెస్ ఇదే అని సంతోషం వ్యక్తం చేసింది నీతి.

సాప్ట్ పింక్ ఎంబ్రాయిడరీ వర్క్ పెళ్లి లెహెంగాలో నీతి అదిరిపోగా.. పాయల్ కేయల్ తన పెళ్లి దుస్తులను రూపొందించినట్లు తెలిపింది. వధువు గెటప్‌లో తన పెళ్లి ఫొటోలను ఇంతకు ముందే షేర్ చేసిన నీతి.. పెళ్లి గురించి ఎలాంటి క్లూ బయటకు రాకుండా చాలా జాగ్రత్త పడింది.