ట్రాఫిక్ అంతరాయం లేకుండా చూడాలి : మిర్యాలగూడ ఎమ్మెల్యే

దిశ, మిర్యాలగూడ : మిర్యాలగూడ పట్టణంలోని పలు ప్రధాన కూడలిలో ట్రాఫిక్ అంతరాయం లేకుండా చూడాలని ఎమ్మెల్యే బత్తుల లక్ష్మారెడ్డి కోరారు. సోమవారం మిర్యాలగూడ పట్టణంలోని ఫ్లైఓవర్ నుంచి టూ టౌన్ పోలీస్ స్టేషన్ వరకు చేపట్టిన ట్రాఫిక్ నియంత్రణ అవగాహన ర్యాలీలో పాల్గొన్నారు. ఈ సందర్భంగా ఆయన మాట్లాడుతూ ట్రాఫిక్ సమస్య వల్ల అత్యవసర సేవలను ఉపయోగించుకో లేకపోతున్నట్లు పేర్కొన్నారు. పట్టణంలోని డాక్టర్స్ కాలనీలో ఇష్టారాజ్యంగా వాహనాలను పార్కింగ్ చేస్తున్నారని దీంతో రోగులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. ట్రాఫిక్ సమస్య లేకుండా పోలీసు అధికారులు, వాహనదారులు సహకరించాలని కోరారు. ఈ కార్యక్రమంలో డీఎస్పీ రాజశేఖర్ రాజు, సీఐలు వీరబాబు, నాగార్జున, కరుణాకర్, కాంగ్రెస్ పార్టీ నాయకులు తదితరులు పాల్గొన్నారు.