సింగరేణిలో భారీగా బదిలీలు

దిశ, బెల్లంపల్లి : సింగరేణి సంస్థలో బాధ్యతలు నిర్వర్తిస్తున్న పలు ఏరియాల జనరల్ మేనేజర్‌లను యాజమాన్యం బదిలీ చేసింది. మందమర్రి డివిజన్‌లో కేకే ఓసీపీ అడిషనల్ జనరల్ మేనేజర్‌గా విధులు నిర్వహిస్తున్న పద్మనాభరెడ్డిని కార్పోరేట్ ఎడ్యుకేషనల్ జనరల్ మేనేజర్‌గా ట్రాన్స్‌ఫర్ చేయగా.. కార్పొరేట్‌లో మార్కెటింగ్ జనరల్ మేనేజర్‌గా ఉన్న కొండల సూర్యనారాయణను కార్పొరేట్ పరిధిలోని జనరల్ మేనేజర్ కో-ఆర్డినేషన్ ఇన్‌చార్జి జీఎంగా అదనపు బాధ్యతలు అప్పగించారు. అలాగే, కార్పొరేట్ ఏపీ జనరల్ మేనేజర్‌ వెంకటేశ్వర్ రెడ్డికి.. కొత్తగూడెం సేఫ్టీ జనరల్ మేనేజర్‌గా ట్రాన్స్‌ఫర్ చేశారు. కార్పొరేట్‌లోనే క్వాలిటీ జనరల్ మేనేజర్‌గా విధులు నిర్వహిస్తున్న రాజేశ్వర్‌కు.. మీడియా క్వాలిటీ జీఎంగా అదనపు బాధ్యతలు ఇచ్చారు. వీరితో పాటు మరికొంతమందిని కూడా బదిలీ చేశారు.