నాటి శత్రువుల సింహ స్వప్నం INS Vikrant.. గ్రాండ్ రీ ఎంట్రీకి రంగం సిద్ధం..!

దిశ, వెబ్‌డెస్క్ : భారత రక్షణ రంగం బలోపేతానికి కేంద్రం తీవ్రంగా కృషి చేస్తున్నది.ఇందులో భాగంగానే భారతదేశానికి చెందిన మొట్టమొదటి స్వదేశీ విమాన వాహక నౌక INS విక్రాంత్ తన మొదటి సముద్ర ప్రయోగాన్ని ప్రారంభించడానికి బుధవారం ట్రయల్స్ నిర్వహించింది. దీనిని ఇండియన్ నేవీ డైరెక్టరేట్ ఆఫ్ నేవల్ డిజైన్ (DND) ద్వారా రూపొందించారు. కొచ్చిన్ షిప్‌యార్డ్ లిమిటెడ్ (CSL)లో దీని నిర్మాణం జరిగింది. ఈ అధునాతన విమాన యుద్ధ వాహక నౌకను నిర్మించడానికి రెండు సంస్థలు కలిసి పనిచేశాయి.

ఈ విమాన వాహక నౌక మొదటిసారి సముద్రంలోకి వెళ్లినప్పుడు ఇండియన్ నేవీ అందుకు సంబంధించిన చిత్రాలు మరియు వీడియోలను పంచుకుంది. ‘‘భారతదేశానికి నేడు గర్వించదగిన మరియు చారిత్రాత్మక దినం.. పునర్జన్మ పొందిన విక్రాంత్ తన తొలి సముద్ర ప్రయోగాల కోసం సిద్ధంగా ఉన్నదని పేర్కొంది.

Maiden sea sortie of Indigenous Aircraft Carrier, ‘Vikrant’ is a true testimony to our unwavering commitment to #Atmanirbharta in Defence. Realisation of this historic milestone, regardless of COVID, shows true dedication & commitment of all stakeholders. A proud moment for India pic.twitter.com/pJJZqmV4G1

— Rajnath Singh (@rajnathsingh) August 4, 2021

INS Vikarat సముద్రంలోకి ప్రవేశించాక.. రక్షణ మంత్రి రాజ్‌నాథ్ సింగ్ ఒక ట్వీట్‌లో ఇలా అన్నారు. ‘స్వదేశీ విమాన వాహక నౌక ‘విక్రాంత్’ అనేది రక్షణలో #Athmanirbartha మా అచంచలమైన నిబద్ధతకు నిజమైన సాక్ష్యం. కొవిడ్‌తో సంబంధం లేకుండా ఈ చారిత్రాత్మక మైలురాయిని సాధించడం నిజమైన అంకితభావం మరియు నిబద్ధతను చూపుతుందన్నారు. దీని తయారీలో భాగం పంచుకున్న వాటాదారులందరికీ, భారతదేశం గర్వించదగిన క్షణం’’ అని చెప్పారు.

న్యూ విక్రాంత్ సామర్థ్యం, విశేషాలు :

రక్షణ మంత్రిత్వ శాఖ పంచుకున్న సమాచారం ప్రకారం.. విక్రాంత్ 262 మీటర్ల పొడవు, 62 మీటర్ల వెడల్పు మరియు సూపర్‌స్ట్రక్చర్‌తో సహా 59 మీటర్ల ఎత్తు ఉంటుంది. సూపర్ స్ట్రక్చర్‌లో ఐదుతో పాటు మొత్తం 14 డెక్‌లు ఉన్నాయి.

ఈ భారీ యుద్ధ నౌకలో 2,300కి పైగా కంపార్ట్‌మెంట్లు ఉన్నాయి. దాదాపు 1,700 మంది సిబ్బంది కోసం దీనిని ప్రత్యేకంగా రూపొందించారు. ఇందులో మహిళా అధికారులకు వసతి కల్పించడానికి ప్రత్యేక క్యాబిన్‌లు ఉన్నాయి. యంత్రాల ఆపరేషన్, షిప్ నావిగేషన్ మరియు మనుగడ కోసం ఈ ఓడ చాలా ఎక్కువ స్థాయి ఆటోమేషన్‌తో రూపొందించబడినట్లు మంత్రిత్వ శాఖ వెల్లడించింది.

స్వదేశీ పరిజ్ఞానంతో తయారైన విమాన వాహక నౌక 28 నాట్ల గరిష్ట వేగాన్ని చేరుకోగలదు. మరియు దాదాపు 7,500 నాటికల్ మైళ్ల ఓర్పుతో 18 నాట్ల క్రూజింగ్ వేగాన్ని అందుకోగలదు. ఐఎన్ఎస్ విక్రాంత్ నిర్మాణ ప్రక్రియ 2,000 మంది సిఎస్‌ఎల్ సిబ్బందికి మరియు అనుబంధ పరిశ్రమల్లోని 12,000 మంది ఉద్యోగులకు ఉపాధి అవకాశాలను సృష్టించిందని రక్షణ మంత్రిత్వ శాఖ తెలిపింది. పరికరాల సేకరణకు సంబంధించి 76 శాతానికి పైగా స్వదేశీ కంటెంట్, CSL మరియు వారి ఉప కాంట్రాక్టర్ల పనితో పాటు నేరుగా భారత ఆర్థిక వ్యవస్థలో తిరిగి పెట్టుబడి పెట్టబడుతోందని మంత్రిత్వ శాఖ తెలిపింది. కాగా, దేశీయంగా 44 నౌకలు మరియు జలాంతర్గాములు ప్రస్తుతం తయారీలో ఉన్నట్లు రక్షణ మంత్రిత్వ శాఖ తెలిపింది.

1971 ఇండో పాక్ యుద్ధంలో ‘విక్రాంత్’ పాత్ర..

1971 ఇండో- పాక్ యుద్ధం గురించి నేటి భారతీయ యువతకు అంతగా తెలియకపోవచ్చు. కానీ, ఆనాడు పాక్‌‌ను చిత్తుగా ఓడించడానికి ఇండియాకు ఉన్న ఏకైక ప్రధాన ఆయుధం INS Vikrant. పాకిస్తాన్ రెండుగా విడిపోవడానికి.. ఈస్ట్ పాకిస్తాన్ (ప్రస్తుత బంగ్లాదేశ్) ఏర్పడటానికి ‘విక్రాంత్’ కీలక పాత్ర పోషించినదని ఇండియన్ ఆర్మీ గర్వంగా చెబుతుంది. హిందూ మహా సముద్రం గుండా బంగాళాఖాతంలోకి పాక్ నౌకలు, జలాంతర్గాములు రాకుండా INS Vikrant అడ్డుగోడగా నిలిచింది. ఆ తర్వాత చాలా ఏళ్లు ఇండియన్ నేవీకి సేవలందించిన INS Vikantను 2014లో విధుల నుంచి తొలగించి ముంబై డాక్ యార్డులో డిస్ కమిషన్డ్ చేశారు. 1982 రాయల్ బ్రిటీష్ నేవీ అర్జెంటైనాతో యుద్ధం చేసి గెలిచాక ఈ ఏయిర్ క్రాఫ్ట్ క్యారియర్‌ను బ్రిటన్ ఇండియాకు విక్రయించింది.

1971 యుద్ధంలో కీలక పాత్ర పోషించి.. 2014లో రద్దు చేయబడిన ఎయిర్‌క్రాఫ్ట్ క్యారియర్ పేరు మీద విక్రాంత్ అనే IAC-1 పేరు పెట్టబడింది. ఈ కొత్త విమానవాహక నౌకను మేకిన్ ఇండియా ప్రాజెక్టులో భాగంగా తయారు చేశారు. 2013 ఆగస్టు 12న న్యూ విక్రాంత్ వాహక నౌక తయారీకి నిర్ణయం తీసుకోగా.. కొచ్చిన్ షిప్ యార్డులో దాదాపు 9ఏళ్ల పాటు నిర్మాణం జరుపుకోగా.. ప్రస్తుతం సముద్రంలో విక్రాంత్ ట్రయల్స్ జరుగుతున్నాయి. అన్ని పరీక్షలు పాస్ అయ్యాక చివరగా 2021 అక్టోబర్‌లో భారత నౌక రక్షణ దళానికి అప్పగించనున్నారు.