ఇన్‌స్టాగ్రామ్‌ని షేకెత్తించిన ఓ బాతు.. ఏంటంత స్పెష‌ల్‌..?!

దిశ‌, వెబ్‌డెస్క్ః మార‌థాన్ పేరు వింటేనే కొందరికి ఆయాసం వ‌చ్చేస్తుంది. అంత దూరం, ఆగ‌కుండా ప‌రిగెత్తాలంటే ఒంట్లో శ‌క్తంతా చ‌మ‌టై కారుతుంది. అందుకే, ఇలాంటి లాంగ్ ర‌న్నింగ్ ఈవెంట్ల‌లో అంద‌రూ పాల్గొన‌లేరు. కానీ , ఈ బాతు మాత్రం, క‌మాన్ ఛాలెంజ్! అంటూ ముందుకు దూకింది. మార‌తాన్‌లో పాల్గొని నెట్టింట్లో అంద‌ర్నీ ఆశ్చ‌ర్యానికి గురిచేసింది. ఇన్‌స్టాలో @seducktiveగా పాపులారిటీ ఉన్న రింకిల్ అనే ఈ డ‌క్‌కి బోల‌డంత‌మంది ఫాలోవ‌ర్స్ ఉన్నారు కూడా. తాజాగా న్యూయార్క్‌లోని లాంగ్ ఐలాండ్ మారథాన్‌లో పాల్గొంది. సోష‌ల్ మీడియాలో వైర‌ల్ అయిన ఈ వీడియోలో రింకిల్ ఎర్రటి వెబ్డ్ షూలు ధరించి. మ‌నుషుల‌తో క‌లిసి ర‌న్నింగ్ రేస్‌లో పాల్గొని, ర‌న్నింగ్ చివ‌ర్లో రెక్క‌ల్ని ఎగ‌రేస్తూ స్పీడ్ పెంచిన రింకిల్ నెటిజ‌న్ల‌ను నివ్వ‌రెప‌రిచింది. మార‌థాన్ రేస్ రింకిల్‌కు మొద‌టిసారి కాదు. 2021లో న్యూయార్క్ వేదిక‌గా మార‌థాన్‌లో పాల్గొని పాపుల‌ర్ అయ్యింది. ఇక‌, ఈ అందమైన బాతు ఇన్‌స్టాగ్రామ్ వినియోగదారుకు రోల్ మోడల్‌గా ఉందంటూ అంద‌రూ ప్ర‌శంసిస్తున్నారు. ఇంతేనా, రింకిల్‌ ఇన్‌స్టాగ్రామ్ ఖాతా చూస్తే మీరు షాక్ అవుతారు. దాదాపు 571k మంది ఇన్‌స్టా ఫ్యాన్ ఫాలోయింగ్ ఉంది మ‌రి!