కుక్క కంటే బెస్ట్‌ రూమ్‌మెట్ ఉండ‌రంట‌.. ఎందుకో చూడండి! (వీడియో)

దిశ‌, వెబ్‌డెస్క్ః మాన‌సంబంధాల‌న్నీ డ‌బ్బుతోనే ముడిప‌డిన వేళ మ‌నుషుల‌కు జంతువుల కంటే మంచి మిత్రులు ఎవ‌రుంటారు చెప్పండి! అందుకే, ఓ వ్య‌క్తి నా పెంపుడు కుక్క కంటే ఉత్త‌మ రూమ్‌మెట్ ఇంకెక్క‌డ దొరుకుతారు అంటూ సోష‌ల్ మీడియాలో ఓ పోస్ట్ పెట్టారు. నిజానికి, మ‌నుషుల‌కు, వాళ్ల‌ పెంపుడు జంతువుల మ‌ధ్య‌ ఎప్పుడూ ఒక ప్రత్యేక బంధం ఉంటుంది. ఆ మనోహరమైన సంబంధాన్ని తెలిపే పెంపుడు పేరెంట్‌ ఇంటర్నెట్‌లో పోస్ట్ చేసిన ఈ వీడియో వైర‌ల్ అయ్యింది. ఇన్‌స్టాగ్రామ్‌లో పోస్ట్ చేసిన ఈ వీడియోను "మీకు ఏది ఎక్కువగా సహాయం చేస్తుంది?" అనే శీర్షికతో కుక్క‌కు అంకితం చేస్తూ, "నా కుక్క అత్యుత్తమ రూమ్‌మేట్ కావడానికి కారణాలు ఇవే" అని చెబుతాడు. అందులో, ఈ కుక్క బ‌ట్ట‌లు లాండ్రీ చేయ‌డం నుండి త‌దిత‌ర ప‌నుల్ని నిర్వ‌హించే విజువ‌ల్స్ చూడొచ్చు. ఈ వీడియోను చూసిన నెటిజ‌నులు ఇలాంటి రూమ్‌మెట్ మాకూ కావ‌లంటూ కామెంట్‌ బాక్స్ నింపుతున్నారు.