కాళ్లతో దివ్యాంగుడి ఆర్ట్.. సోషల్‌మీడియాలో వీడియో వైరల్
దిశ, ఫీచర్స్ : దేశవ్యాప్తంగా 75వ స్వాతంత్ర్య దినోత్సవ సంబరాలు అంబరాన్నంటిన విషయం తెలిసిందే.
దిశ, ఫీచర్స్ : దేశవ్యాప్తంగా 75వ స్వాతంత్య్ర దినోత్సవ సంబరాలు అంబరాన్నంటిన విషయం తెలిసిందే. ఈ నేపథ్యంలోనే ఆయుష్ కుండల్ దివ్యాంగ కళాకారుడు తన పాదాలతో పెయింటింగ్‌ వేస్తున్న వీడియో నెటిజన్ల హృదయాలు గెలుచుకుంటోంది. ఈ మేరకు 'త్రివర్ణ పతాకాన్ని చేతబూనిన భరతమాత విగ్రహానికి ఒక సైనికుడు సెల్యూట్ చేస్తున్న చిత్రాన్ని తన పాదాలతోనే గీశాడు ఆయుష్. అంతేకాదు ఈ చిత్రంపై 'ఆజాదీ కా అమృత్ మహోత్సవ్, మేరా భారత్ మహాన్' అనే వాక్యాలు రాశాడు.
కాగా దేశం పట్ల ఆయుష్‌కున్న ప్రేమను చూసి సెల్యూట్ చేస్తున్న నెటిజన్లు అతడి ప్రతిభను వేనోళ్ల ప్రశంసిస్తున్నారు. 'మీ ప్రతిభకు నా వందనం, మీ ఆకాంక్ష భారతదేశ కలలను నిజం చేస్తుంది' 'ప్రతిభను ఎవరూ అడ్డుకోలేము లేదా చిక్కుల్లో పెట్టలేము. సంకల్పముంటే ఏదైనా సాధించొచ్చు అనే మాటలకు నీవే నిర్వచనం' 'నిన్ను చూసి గర్వపడుతున్నాను' అంటూ నెటిజన్లు కామెంట్స్ చేశారు.
స్ట్రీట్ డ్యాన్స్‌లో ఇర‌గ‌దీసిన చిన్నారి.. నెట్టింట్లో నో సౌండ్‌! (వీడియో)