డెస్టినేషన్ వెడ్డింగ్‌ల కోసం SIP.. వైరల్ అవుతున్న ప్లాన్స్..

దిశ, ఫీచర్స్ : ప్రస్తుతం ఇండియాలో డెస్టినేషన్ వెడ్డింగ్ ట్రెండ్ బాగా పెరిగిపోయింది. ఇప్పుడు పెళ్లిళ్లను గుర్తుండిపోయేలా చేసుకునేందుకు ఇండియాలో కాకుండా విదేశాల వైపు మొగ్గు చూపుతున్నారు. ప్రస్తుతం ఇదొక ఫ్యాషన్‌గా మారింది. నటీనటులు, క్రికెటర్లు ఇతర దేశాలకు వెళ్లి తమ భాగస్వాములతో పెళ్లి చేసుకున్న తీరు చూస్తుంటే సామాన్యుల్లోనూ ఈ డెస్టినేషన్ వెడ్డింగ్ పట్ల ఆసక్తి పెరిగింది. అయితే ఇది చాలా ఖర్చుతో కూడుకున్నది. అయితే ఈ ఖర్చును దృష్టిలో ఉంచుకుని ముంబై కంపెనీ ఒక ప్రత్యేకమైన SIP ప్లాన్‌ను ప్రారంభించింది. ప్రస్తుతం ఈ ప్లాన్ సోషల్ మీడియాలో చర్చనీయాంశంగా మారింది.

నిజానికి ఈ కంపెనీ మూడు రకాల SIP ప్లాన్‌లను ప్రారంభించింది. ఇందులో మొదటి ప్లాన్ నెలకు రూ. 11 వేలు, రెండవ ప్లాన్ నెలకు రూ. 31 వేలు, మూడవ ప్లాన్ నెలకు రూ. 43,500. ఈ సిస్టమాటిక్ ఇన్వెస్ట్‌మెంట్ ప్లాన్ అంటే SIP ద్వారా ఏ జంట అయినా డెస్టినేషన్ వెడ్డింగ్ చేసుకోవచ్చు. ఈ ప్రత్యేకమైన డెస్టినేషన్ వెడ్డింగ్ SIP ప్లాన్ సోషల్ మీడియా ప్లాట్‌ఫారమ్ ఇన్‌స్టాగ్రామ్‌లో thesarcasticpage అనే IDతో షేర్ చేశారు. ఇది ఇప్పటివరకు ఈ వీడియో వేలకొద్దీ లైక్‌లను పొందింది. వివాహాలకు సంబంధించి ఈ SIP ప్లాన్ ప్రత్యేకమైనదైనప్పటికీ ఇలాంటి ఆసక్తికరమైన విషయాలు తరచుగా సోషల్ మీడియాలో వైరల్ అవుతూనే ఉన్నాయి.