మొదటి సారి మీ జుట్టుకు రంగు వేస్తున్నారా.. ఈ విషయాలను అస్సలు మర్చిపోకండి..

దిశ, ఫీచర్స్ : జుట్టు ప్రతి ఒక్కరి అందాన్ని పెంచుతుంది. కొంతమంది తమ జుట్టుకు మరింత అందంగా ఉండాలని రంగు వేసుకుంటారు. ఈ రోజుల్లో ఇది చాలా ట్రెండ్‌గా మారింది. హెయిర్ కలర్ చేసుకోవాలనే క్రేజ్ మహిళల్లోనే కాదు పురుషుల్లో కూడా కనిపిస్తుంది. జుట్టుకు రంగులు వేయడం అనేది వ్యక్తి వ్యక్తిత్వాన్ని మార్చివేస్తుంది. వారికి పూర్తిగా కొత్త రూపాన్ని ఇస్తుంది. కానీ జుట్టుకు రంగు వేసేటప్పుడు చాలా జాగ్రత్తగా వేయాలి. ఎందుకంటే సరైన జాగ్రత్తలు తీసుకోకపోయినా, జుట్టును దృష్టిలో ఉంచుకుని రంగు వేయకపోయినా అది భవిష్యత్తులో జుట్టుకు హాని కలిగించవచ్చు.

మీరు కూడా మీ జుట్టుకు రంగు వేయాలనే ఆలోచనలో ఉన్నట్లయితే కొన్ని విషయాలను దృష్టిలో ఉంచుకుని ప్రయత్నించాలని బ్యూటీ ఎక్స్‌పర్ట్ లు చెబుతున్నారు.

సరైన రంగు షేడ్ ను ఎంచుకోవాలి..

జుట్టు రంగు మనిషి వ్యక్తిత్వాన్ని మారుస్తుంది. మొదట దాని గురించి బాగా తెలుసుకోవడం, స్కిన్ టోన్ ప్రకారం రంగులను ఎంచుకోవడం చాలా ముఖ్యం.

వృత్తిపరమైన సలహా..

మీరు మొదటి సారి మీ జుట్టుకు రంగు వేయబోతున్నట్టయితే అది వేసే ముందు ఖచ్చితంగా ప్రొఫెషనల్ స్టైలిస్ట్ సహాయం తీసుకోండి. వారు మీకు ఉత్తమమైన జుట్టు రంగు గురించి సలహా ఇస్తారు. ఉదాహరణకు ఒకరి జుట్టు చాలా పొడిగా ఉంటే, తదనుగుణంగా జుట్టు రంగు ఉత్పత్తులను ఎంపిక చేస్తారు.

ఉత్పత్తుల నాణ్యత..

జుట్టుకు రంగు వేసేటప్పుడు అనేక రకాల ఉత్పత్తులను ఉపయోగిస్తారు. మీ హెయిర్ స్టైలిస్ట్ ఉపయోగిస్తున్న ఉత్పత్తుల నాణ్యత, రివ్యూస్ గురించి సమాచారాన్ని పొందండి.

పొడి జుట్టుకు చికిత్స..

జుట్టుకు రంగు వేసుకునే ముందు, మీ జుట్టు ఆరోగ్యాన్ని చెక్ చేయండి. మీ జుట్టు పొడిగా, దెబ్బతిన్నదిగా ఉంటే ముందుగా మీరు దానికి సరిగ్గా చికిత్స చేయాలి. డ్రై హెయిర్‌ పై కలర్‌ చేస్తే హెయిర్‌ కలర్‌ సరిగా రాదు. జుట్టు పాడయ్యే అవకాశాలు ఎక్కువ.

జుట్టు రంగు తర్వాత జాగ్రత్త..

జుట్టుకు రంగు వేసుకున్న తర్వాత జుట్టు పాడవకుండా చూసుకోవడం చాలా ముఖ్యం. ప్రొఫెషనల్ స్టైలిస్ట్‌ని సంప్రదించిన తర్వాత మెరుగైన షాంపూ, కండీషనర్ ఉపయోగించండి. జుట్టుకు అనుగుణంగా సరైన ఉత్పత్తులను సూచించగలరు.