ఆపిల్.. ఆరోగ్యం.. రోజుకో పండుతో డాక్టర్ దూరం
‘రోజుకో ఆపిల్ డాక్టర్‌ను దూరంగా ఉంచుతుంది’ అనే సామెత వినే ఉంటారు.
దిశ, ఫీచర్స్: ‘రోజుకో ఆపిల్ డాక్టర్‌ను దూరంగా ఉంచుతుంది’ అనే సామెత వినే ఉంటారు. బోలెడన్ని ఆరోగ్య ప్రయోజనాలను కలిగిన ఈ పండు.. బరువు తగ్గడానికి, రోగనిరోధక వ్యవస్థ పెరగడానికి, గుండె ఆరోగ్యం, బ్రెయిన్ హెల్త్, ఊపిరితిత్తులకు కూడా మంచిది. కాగా డయాబెటిక్స్‌కు కూడా సురక్షితంగా పరిగణించబడుతుంది. రక్తపోటు, స్ట్రోక్ రిస్క్‌ను కూడా తగ్గించే ఈ రెడ్ ఫ్రూట్.. బాడీని హైడ్రేటెడ్‌గా కూడా ఉంచుతుంది. కాబట్టి ఈ మండుతున్న ఎండల్లో ఆపిల్ బెటర్ ఆప్షన్ అని సూచిస్తున్నారు నిపుణులు.
ఒక ఆపిల్(182 గ్రా).. పోషకాలు ఎన్నో..
- కేలరీలు: 95
- కార్బోహైడ్రేట్లు: 25 గ్రాములు
- ఫైబర్: 4 గ్రాములు
- చక్కెర: 19 గ్రాములు
- కొవ్వు: 0 గ్రాములు
- ప్రోటీన్: 0 గ్రాములు
- విటమిన్ సి: రోజువారీ విలువలో 14% (DV)
పొటాషియం: రోజువారీ విలువలో 6%
ఆరోగ్య ప్రయోజనాలు
1. విటమిన్లు, ఖనిజాలు, యాంటీఆక్సిడెంట్లు కలిగిన యాపిల్‌లో విటమిన్ సి, డైటరీ ఫైబర్ మొత్తం ఆరోగ్యానికి అవసరం.
2. ఇందులో ఉండే ఫైబర్, యాంటీఆక్సిడెంట్స్, ఫ్లేవనాయిడ్స్ కొలెస్ట్రాల్ స్థాయిలను తగ్గించడంలో, రక్తపోటును నియంత్రించడం ద్వారా గుండె జబ్బుల ప్రమాదాన్ని తగ్గిస్తాయి.
3. ఆపిల్‌లోని ఫైబర్ కంటెంట్ ఆరోగ్యకరమైన జీర్ణక్రియను ప్రోత్సహిస్తుంది. మలబద్ధకాన్ని నివారించడంలో హెల్ప్ చేస్తుంది.
4. ఇందులోని ఫ్లేవనాయిడ్స్, పాలీఫెనాల్స్ వంటి యాంటీ ఆక్సిడెంట్లు.. శరీరంలో ఆక్సీకరణ ఒత్తిడి, వాపును తగ్గించడంలో సహాయపడతాయి.
5. నీటి శాతం అధికంగా ఉన్న ఫ్రూట్.. బాడీ హైడ్రేటెడ్‌గా ఉండేందుకు దోహదం చేస్తుంది.
బరువు తగ్గడానికి ఆపిల్
ఆపిల్స్‌లో క్యాలరీలు, కొవ్వు సాపేక్షంగా తక్కువగా ఉంటాయి. అదే సమయంలో డైటరీ ఫైబర్, విటమిన్ సి మూలంగా ఉంటుంది. ఆపిల్‌లోని ఫైబర్ కంటెంట్ కడుపు నిండిన భావాన్ని ప్రోత్సహిస్తుంది. మొత్తం క్యాలరీలను తగ్గించడంలో హెల్ప్ చేస్తుంది. సమతుల్య ఆహారంలో భాగం చేసినట్లయితే.. బరువు తగ్గడానికి దోహదం చేస్తుంది.
డయాబెటిక్స్‌కు సురక్షితమేనా?
మధుమేహ వ్యాధిగ్రస్తులకు ఆపిల్ సరైన ఎంపిక. ఇందులో సహజ చక్కెరలు ఉన్నప్పటికీ, వాటి అధిక ఫైబర్ కంటెంట్ రక్తంలో చక్కెర స్థాయిలను నియంత్రించడంలో సహాయపడుతుంది. జీర్ణక్రియ, చక్కెరల శోషణను తగ్గిస్తుంది. రక్తంలో చక్కెర వేగంగా పెరగడాన్ని నివారిస్తుంది. అయినప్పటికీ డయాబెటిక్స్ కార్బోహైడ్రేట్ తీసుకోవడం, ఆహారం సమతుల్యతను పరిగణనలోకి తీసుకోవడం చాలా ముఖ్యం.
గుర్తుంచుకోవలసిన విషయాలు
1. అనేక ఆపిల్ రకాలు అందుబాటులో ఉన్నాయి. ప్రతి ఒక్కటి దాని సొంత రుచి, ఆకృతి, న్యూట్రిషన్ ప్రొఫైల్‌ను కలిగి ఉంటాయి. అందుకే వివిధ రకాల ఆపిల్స్ తీసుకోవడం ఆహారంలో విభిన్నతను జోడిస్తుంది. పోషకాల శ్రేణిని అందిస్తుంది.
2. ఎక్కువగా పురుగుమందుల అవశేషాలు ఉన్న పండ్లలో ఆపిల్స్ ఒకటి. కాగా వీలైతే పురుగుమందులకు గురికావడాన్ని తగ్గించడానికి సేంద్రీయంగా సాగు చేసిన వాటిని ఎంచుకోండి. అవి అందుబాటులో లేకుంటే.. సాంప్రదాయ ఆపిల్‌లు ఇప్పటికీ ఆరోగ్యకరమైన ఎంపికగా ఉంటాయి.
3. ఆపిల్ ఫైబర్‌ను కలిగి ఉంటుంది. దాన్ని జ్యూస్ చేసి తాగాలని అనుకుంటే పండులో ఉండే ఫైబర్, పోషకాలు తగ్గిపోతాయి. కాబట్టి ఫుల్ ఆపిల్ తీసుకోవడం లేదా తక్కువ ప్రాసెసింగ్‌తో తాజాగా పిండిన ఆపిల్ జ్యూస్‌ని ఎంచుకోవడం మంచిది.
4. ఆపిల్ సమతుల్య ఆహారంలో ఒక భాగం మాత్రమే. విస్తృత శ్రేణి పోషకాలను శరీరానికి అందించేందుకు.. వివిధ రకాల పండ్లు, కూరగాయలు, తృణధాన్యాలు, లీన్ ప్రోటీన్లు, ఆరోగ్యకరమైన కొవ్వులను చేర్చడం చాలా ముఖ్యం.
5. వయస్సు, లింగం, కార్యాచరణ స్థాయి, పూర్తి ఆరోగ్యం వంటి అంశాల ఆధారంగా ప్రతి ఒక్కరి పోషకాహార అవసరాలు మారవచ్చు. అందుకే నిర్దిష్ట అవసరాలు, లక్ష్యాలను పరిగణనలోకి తీసుకునే పర్సనల్ సజెషన్ కోసం ఆరోగ్య సంరక్షణ నిపుణులను సంప్రదించడం మంచిది.
Also Read...
Grapes: ద్రాక్షపండ్లతో ఈ వ్యాధులను తగ్గించుకోవచ్చని మీకు తెలుసా?