తుడిచి పెట్టుకుపోతున్న సముద్రజీవులు.. భారీ విపత్తుకు సంకేతం.. మహా సముద్రంలో భయంకర నిజాలు..

దిశ, ఫీచర్స్ : సముద్ర జీవులు ప్రమాదంలో ఉన్నాయని హెచ్చరిస్తుంది తాజా అధ్యయనం. పోట్స్‌డ్యామ్ ఇన్‌స్టిట్యూట్ ఫర్ క్లైమేట్ ఇంపాక్ట్ రీసెర్చ్ (PIK) నివేదిక ఈ విషయంపై ఆందోళన లేవనెత్తుతుంది. సముద్రపు ఆమ్లీకరణ కీలకస్థాయికి చేరుకుంటుందని... భారీ స్థాయిలో నీరు ఉప్పగా మారడం వల్ల సముద్ర జీవులకు, పర్యావరణ వ్యవస్థలకు తీవ్ర ముప్పును కలిగిస్తుందని చెప్తుంది. మానవ కార్యకలాపాల నుంచి వెలువడే కార్బన్ డయాక్సైడ్ (CO2) ఉద్గారాలను గ్రహించడం వల్ల ప్రపంచ మహాసముద్రాలు మరింత ఆమ్లంగా మారుతున్నాయని వివరించింది.

CO2 ఉద్గారాలు పెరిగేకొద్దీ, అందులో ఎక్కువ భాగం సముద్రపు నీటిలో కరిగి, అధిక ఆమ్లత్వ స్థాయికి దారితీస్తుందని వివరించారు పరిశోధకులు. సముద్ర ఆమ్లీకరణ అని పిలువబడే ఈ ప్రక్రియ సముద్ర పర్యావరణ వ్యవస్థల సున్నితమైన సమతుల్యతను దెబ్బతీస్తుంది. సముద్ర ఆహార వెబ్ లో ముఖ్యమైన పగడాలు, షెల్ఫిష్, ఫైటోప్లాంక్టన్‌లను దెబ్బతీస్తాయి. క్లామ్స్, గుల్లలు వంటి షెల్ఫిష్ లు వాటి పెంకులను ఏర్పరుచుకోవడంలో ఇబ్బందులను ఎదుర్కొంటాయి. సముద్రపు ఆహార గొలుసుకు పునాది అయిన ఫైటోప్లాంక్టన్ కూడా ఆమ్లీకరణ ద్వారా ప్రభావితమవుతుంది. ఈ మైక్రోస్కోపిక్ జీవులు కార్బన్ సీక్వెస్ట్రేషన్, ఆక్సిజన్ ఉత్పత్తిలో ముఖ్యమైన పాత్ర పోషిస్తాయి. వాటి క్షీణత మొత్తం సముద్ర పర్యావరణ వ్యవస్థకు అంతరాయం కలిగిస్తుంది, చేపలు, సముద్ర క్షీరదాలతో సహా ఆహారం కోసం వాటిపై ఆధారపడే జాతులను ప్రభావితం చేస్తుంది.

సముద్ర ఆమ్లీకరణ చిక్కులు సముద్ర జీవులకు మించి ఉండనున్నాయి. మహాసముద్రాలు మొత్తం CO2 ఉద్గారాలలో 25% గ్రహిస్తాయి. ఈ ఉద్గారాల ద్వారా ఉత్పన్నమయ్యే అదనపు వేడిలో 90%ని సంగ్రహిస్తాయి. అయితే ఇవి భారీ స్థాయిలో ఆమ్లంగా మారినట్లయితే.. ఈ విధులను నిర్వహించే సామర్థ్యం తగ్గిపోతుంది, గ్లోబల్ వార్మింగ్, వాతావరణ మార్పులను తీవ్రతరం చేస్తుంది. సముద్ర పర్యావరణ వ్యవస్థలు, విస్తృత వాతావరణ వ్యవస్థకు మరింత నష్టం జరగకుండా నిరోధించడానికి CO2 ఉద్గారాలను పరిష్కరించాల్సిన ఆవశ్యకతను నివేదిక నొక్కి చెబుతుంది.