Kiara Advani : కియారా అద్వానీ బర్త్ డే స్పెషల్.. ‘గేమ్ ఛేంజర్’ నుంచి సరికొత్త పోస్టర్ రిలీజ్

దిశ, సినిమా: మెగా పవర్ పవర్‌ స్టార్ రామ్ చరణ్, అందాల భామ కియారా అద్వానీ హీరో హీరోయిన్లుగా నటిస్తోన్న లేటెస్ట్ మూవీ గేమ్ ఛేంజర్. శంకర్ డైరెక్షన్‌లో తెరకెక్కుతున్న ఈ చిత్రానికి తమన్ సంగీతం అందిస్తున్నాడు. ఇక సినిమా కోసం అభిమానులు ఈగర్‌గా వెయిట్ చేస్తుండగా, ఇప్పటికే షూటింగ్ కూడా పూర్తయింది. ప్రజెంట్ పోస్ట్ ప్రొడక్షన్ కార్యక్రమాలు జరుగుతున్నాయి. ఈ ఏడాది డిసెంబర్ 20న రిలీజ్ చేయనున్నట్లు ప్రొడ్యూసర్ దిల్ రాజు ఇప్పటికే అనౌన్స్ చేసిన విషయం తెలిసిందే.

ఇకపోతే నేడు(జులై 31) కియారా అద్వానీ బర్త్ డే. ఈ సందర్భాన్ని పురస్కరించుకొని ‘గేమ్ ఛేంజర్’ మూవీ టీమ్ ఆమెకు విష్ చేస్తూ.. సరికొత్త సర్‌ ప్రైజ్‌గా మూవీ నుంచి ఓ స్పెషల్ పోస్టర్ రిలీజ్ చేసింది. ప్రజెంట్ ఇది నెట్టింట వైరల్ అవుతుండగా, అభిమానులు క్యూరియాసిటీతో రియాక్ట్ అవుతూ కియారాకు పుట్టిన రోజు శుభాకాంక్షలు తెలుపుతున్నారు. కాగా ఈ సినిమాలో కియారా ‘జాబిలమ్మ’ రోల్ పోషిస్తుండగా, అంజలీ, ఎస్.జె సూర్య, శ్రీకాంత్, జయరాం, సునీల్, సముద్ర ఖనీ వంటి నటీ నటులు కీలకపాత్రల్లో కనిపించనున్నారు.