మ‌ద్యం తాగుతూనే బైక్ డ్రైవింగ్‌.. చివ‌రకు ఇలా ప‌డి ..?! (వీడియో)

దిశ‌, వెబ్‌డెస్క్ః భారతదేశంలో రోడ్డు ప్రమాదాల ఫ్రీక్వెన్సీ ప్రపంచంలోనే అత్యధికంగా ఉంది. వీటిలో ఎక్కువ భాగం ప్రాణాంతకమైన ప్ర‌మాదాలే కావ‌డం గ‌మ‌నార్హం. ఎందుకో తెలియ‌దు గానీ, ఇక్క‌డ చాలా మంది చట్టాలను పాటించ‌రు. ఇలా, రోడ్ల‌పై విచ్చ‌లివిడి త‌న‌నానికి అలవాటుప‌డిన‌ ఇద్దరు యువకులు మద్యం మత్తులో, మ‌ద్యం సేవిస్తూనే ఖాళీ రోడ్డుపై బజాజ్ ప్లాటినాతో స‌ర‌దా చేస్తున్న వీడియో ఇంట‌ర్నెట్‌లో చక్క‌ర్లు కొడుతోంది. ధృవ్ ముండోడి వ్లాగ్స్‌లో పోస్ట్ చేసిన ఈ వీడియోలో ఉన్న ఈ ఇద్దరు యువకులు హెల్మెట్‌లు ధ‌రించ‌కుండా, క‌నీస బాధ్య‌త, భ‌ద్ర‌తా పాటించ‌కుండా విహారం చేశారు. రోడ్డుపై డ్రైవింగ్ చేస్తూనే గ్లాసుల్లో మందు పోసుకొని, వాటిని తాగుతూ వెళుతున్నారు. మ‌త్తులో ర‌క‌ర‌కాలు ఫీట్లు చేస్తూ చివ‌ర‌కు ప‌ట్టుత‌ప్పి పిలియన్ రైడర్ మురికి గుంట‌లో ప‌డ‌తాడు. నెట్టింట ఈ కుర్రాళ్ల‌ని తీవ్రంగా తిడుతున్నారు జ‌నాలు. మీరూ చూడండి..