బీరు తాగిన కోళ్లు.. వాటి ప‌రిస్థితి ఏంటో మీరే చూడండి (వీడియో)

దిశ‌, వెబ్‌డెస్క్ః మ‌ద్యపానం మ‌నిషి ఆరోగ్యానికే కాదు, ఏ జీవికైనా ప్ర‌మాద‌మే. అందులోనూ, మ‌నుషులు వాడే కెమిక‌ల్ లిక్క‌ర్ మ‌రింత హానిక‌రం. అయినా, ఈ కోళ్లు మాత్రం హాయిగా తాగేస్తున్నాయి. వాటిల్లో కోడి పుంజు మామూలుగా తాగేస్తుంటే, కోడి పెట్ట మాత్రం టీనేజ్ అమ్మాయి భ‌యప‌డుతున‌ట్లు న‌క్కి న‌క్కి మ‌రీ సిప్ చేస్తోంది. వైర‌ల్ అయిన ఈ వీడియోలో, ప‌ట్ట పగలే రెండు కోళ్లు త‌న య‌జ‌మాని గ్లాసులో పోసిన బీరును మ‌స్త్‌గా ఆర‌గిస్తున్నాయి. పుంజు తాగుతున్న బీరును చూసి, కోడి పెట్ట‌ కూడా పార్టీలో చేరాలనిపించి కుర్చీలోంచి వచ్చి బీరు తాగింది. ఈ వీడియోను ఇండియన్ మీమ్ పేజీ ఇన్‌స్టాగ్రామ్‌లో షేర్ చేసింది. మీమ్స్‌తో ఎడిట్ చేసిన ఈ వీడియోను చూసిన నెటిజన్లు నవ్వుతున్న ఎమోజీలతో కామెంట్లు ముంచెత్తారు. అయితే, 'దీన్ని చూసి మీరు మాత్రం గ్లాస్ ఎత్త‌కండి..' అంటూ కొంద‌రు స‌ర‌దా కామెంట్లు చేశారు.