సెల్ఫీ కోసం సెక‌లు.. దూల‌తీరి ద‌భేలు..!! (వీడియో)

దిశ‌, వెబ్‌డెస్క్ః సోషల్ మీడియా ప్ర‌భావంతో, టిక్‌టాక్ మానియాతో చాలా మంది యువ‌త వెర్రెత్తిపోతున్నారు. అవగాహన స‌రిగా లేక అభాసుపాలు అవుతున్నారు. సోష‌ల్ మీడియా వీడియో రీల్స్ కోసం కూసాలు విర‌గ్గొట్టుకుంటున్నారు. ఎంతో మంది ఈ వీడియోలు, సెల్ఫీల కోసం ప్రాణాలు కోల్పోతుంటే, ఇంకొంద‌రు క‌నీస జాగ్ర‌త్త కూడా పాటించ‌కుండా ప్రమాదకరమైన విన్యాసాలు చేస్తుంటారు. ఇలాంటి అనేక సంఘటనల గురించి మ‌నంద‌రికీ తెలిసిందే. అయితే, ఇలాగే ప్ర‌మాద‌మ‌ని తెలిసి కూడా ఎక‌సెకాల‌కు పోయి న‌డ్డి విర‌గ్గొట్టుకున్నారు ఇద్ద‌రు యువ‌కులు. ఇద్ద‌రు యువకులు 'కూల్ వీడియో' రికార్డ్ చేద్దామ‌ని ప్ర‌య‌త్నిస్తూ, ప్రమాదకరమైన బైక్ స్టంట్‌కి ప్రయత్నించడాన్ని ఈ వైర‌ల్ వీడియోలో చూడొచ్చు. ఈ వీడియోలో, స్పీడ్‌గా వెళుతున్న‌ మోటర్‌బైక్‌పైన ఇద్ద‌రుంట‌రు. వారిలో ఎవ్వ‌రూ దాన్ని డ్రైవ్ చేయ‌రు. ఒకరు వెనక నిలబడి సెల్ఫీ తీస్తుంటే, మ‌రొక‌రు వెనుకకు తిరిగి కూర్చొని ఉంటాడు. కొన్ని క్ష‌ణాల త‌ర్వాత‌ సీటు వెన‌క‌ నిలబడిన‌ వ్యక్తి రోడ్డుపై ప‌డ‌గా, మ‌రో యువ‌కుడితో బైక్ రోడ్డు పక్కన పొద‌ల్లోకి దూరి కింద‌ప‌డుతుంది. అయితే, అదృష్టవశాత్తూ, ఇద్దరు యువకులకు పెద్ద‌గా గాయాలు కాన‌ప్ప‌టికీ బుద్ధేతే వ‌చ్చిన‌ట్లు క‌నిపిస్తుంది. 'భుట్నీ_కే_మీమ్స్' హ్యాండిల్‌లో ఈ వీడియోను ఇన్‌స్టాగ్రామ్‌లో అప్‌లోడ్ చేశారు. మీరూ చూడండి.