ఉచిత Wi-Fiని కనెక్ట్ చేస్తున్నారా.. మీరు ఇబ్బందుల్లో పడ్డట్టే..

దిశ, ఫీచర్స్ : కొంతమంది వ్యక్తులు ఉచిత వై ఫై కనెక్ట్ అయిన వెంటనే సినిమాలు, గేమ్‌లను డౌన్‌లోడ్ చేయడం ప్రారంభిస్తారు. ఉచిత వైఫైని ఉపయోగించే ముందు మీరు ఒకటికి రెండు సార్లు ఆలోచించాలి. మీరు ఆలోచించకుండా మీ పరికరాన్ని ఏదైనా నెట్‌వర్క్‌కి కనెక్ట్ చేస్తే, మీరు ఇబ్బందుల్లో పడిపోయే ప్రమాదం ఉంటుంది. ఉచిత Wi - Fi వల్ల ఎలాంటి సమస్యలు వస్తాయో ఇప్పుడు తెలుసుకుందాం..

ఉచిత Wi-Fi నెట్‌వర్క్‌లను కనెక్ట్ చేసుకోవడం వలన హ్యాకర్లు మీ డేటాను యాక్సెస్ చేసే అవకాశాలు ఉన్నాయి. దీని కారణంగా, క్రెడిట్ కార్డ్ నంబర్, పాస్‌వర్డ్, ఇమెయిల్ చిరునామా వంటి మీ వ్యక్తిగత సమాచారం దొంగిలించే అవకాశం ఉంటుంది. అంతే కాదు ఉచిత Wi-Fi నెట్‌వర్క్‌లలో వైరస్‌లు, మాల్వేర్ వ్యాప్తి చెందే ప్రమాదం ఎక్కువ. ఇది మీ పరికరానికి హాని కలిగించి మీ డేటాని ట్రాష్ చేసే అవకాశాలు ఉంటాయి. అలాగే స్పామ్, ప్రకటనలు వచ్చే అవకాశాలు ఎక్కువ. దీంతో మీ మొబైల్ హ్యాంగ్ అవుతాయి.

ఉచిత Wi-Fiని ఉపయోగిస్తున్నప్పుడు జాగ్రత్తగా ఉండండి..

మీరు ఉచిత Wi-Fiని ఉపయోగించేటప్పుడు మీ మొబైల్ లో భద్రతా సాఫ్ట్‌వేర్‌ను ఇన్‌స్టాల్ చేయాలి.

మీ పరికరంలో ఫైర్‌వాల్‌ను ఆన్ చేయండి.

మీ క్రెడిట్ కార్డ్ నంబర్, ఇతర వ్యక్తిగత వివరాలను పంచుకోవడం మానేయాలి.

నమ్మదగిన Wi-Fi నెట్‌వర్క్‌లను మాత్రమే ఉపయోగించాలి.

ఉచిత Wi-Fiని ఉపయోగిస్తున్నప్పుడు మీరు ఈ విషయాలను దృష్టిలో ఉంచుకుంటే, మీ డేటా, పరికరాన్ని రక్షించడంలో మీరు సహాయపడుతుంది.