కడుపు నొప్పి సమస్యతో బాధపడుతున్నారా.. ఇలా చెక్ పెట్టండి ..

దిశ, ఫీచర్స్ : రోగాల బారిన పడకుండా ఉండాలంటే పొట్టను ఆరోగ్యంగా ఉంచుకోవాలని అంటారు. జీర్ణక్రియ సమస్యలు మీ ఆరోగ్యానికి శత్రువు కావచ్చు. కడుపులో ఉండే ఆరోగ్యకరమైన బ్యాక్టీరియా ఆహారాన్ని సరిగ్గా జీర్ణం చేయడంతో పాటు పోషకాలను గ్రహిస్తుంది. వాటితో పాటు పేగుల్లో చాలా సూక్ష్మజీవులు ఉంటాయని ఆరోగ్య నిపుణులు చెబుతున్నారు. వీటిలో బ్యాక్టీరియా, ఫంగస్ ఉంటాయని, వీటిని గట్ బ్యాక్టీరియా అని కూడా అంటారని నిపుణులు చెబుతున్నారు.

వీటి వల్ల జీర్ణక్రియ సజావుగా ఉంటుంది. ఆహారం జీర్ణం కావడానికి ఎలాంటి ఇబ్బంది ఉండదు. గట్ బ్యాక్టీరియాను పెంచుకోవాలనుకుంటే తీసుకునే డైట్ లో కొన్ని ఆయుర్వేద మూలికలను చేర్చుకోవాలి. యాంటీబయాటిక్ గుణాలు పుష్కలంగా ఉండే ఈ మూలికలు కడుపు నుండి చెడు బ్యాక్టీరియాను కూడా తొలగిస్తాయి. ఇంతకీ ఈ ఆయుర్వేద మూలికలు ఏంటి, వాటిని ఎలా వినియోగించాలి ఇప్పుడు తెలుసుకుందాం.

పసుపు..

ఆయుర్వేదంలో పసుపు చాలా ముఖ్యమైనదిగా పరిగణిస్తారు. పసుపులో కర్కుమిన్ అనే యాంటీ ఆక్సిడెంట్ ఉంటుందని ఆయుర్వేద వైద్య నిపుణులు చెబుతున్నారు. ఇది పేగు మంటను తగ్గించడమే కాకుండా గట్ బ్యాక్టీరియాను సమతుల్యంగా ఉంచుతుంది. పసుపును రెగ్యులర్ గా ఉపయోగించడం వల్ల పొట్ట సమస్యల నుంచి ఉపశమనం లభిస్తుంది.

అల్లం..

చాలా మంది అల్లం టీని ఎక్కువగా తాగుతుంటారు. అయితే దీన్ని పచ్చిగా కూడా తినవచ్చు. ఇది జీర్ణక్రియను మెరుగుపరుస్తుంది. అలాగే జీర్ణక్రియను బలపరుస్తుంది. దీనితో పాటు ఇది ఆరోగ్యకరమైన బ్యాక్టీరియా పెరిగేందుకు దోహదపడుతుంది.

వెల్లుల్లి...

వెల్లుల్లిలో ప్రీబయోటిక్ లక్షణాలు ఉంటాయని వైద్య నిపుణులు చెబుతున్నారు. ఇవి గట్ బ్యాక్టీరియాను సమతుల్యం చేస్తాయి. వెల్లుల్లిలో ఉండే యాంటీ మైక్రోబియల్ గుణాలు మన జీర్ణవ్యవస్థను బలంగా ఉంచుతాయి.

సెలెరీ..

కడుపులో గ్యాస్ వచ్చినా, ఉబ్బరం వచ్చినా, ప్రతి ఒక్కరూ ఆకుకూరల రెసిపీ తప్పనిసరిగా తీసుకోవాలంటున్నారు నిపుణులు. థైమోల్ వంటి పోషకాలు వీటిలో ఎక్కువగా ఉంటాయి. ఇవి పేగులను ఆరోగ్యంగా ఉంచడంలో సహాయపడతాయి.

పుదీనా..

పుదీనా తినడం వల్ల పొట్ట కూడా శుభ్రంగా ఉంటుంది. ఇది జీర్ణక్రియ ప్రక్రియను వేగవంతం చేస్తుంది. దీనితో పాటు ఇది గ్యాస్, ఉబ్బరం, అజీర్ణం వంటి సమస్యల నుండి కూడా ఉపశమనాన్ని అందిస్తుంది.