మిగిలిపోయిన అన్నం తినడం సురక్షితమా కాదా? నిపుణులు చెప్తుంది విని మీకు షాక్ అవొచ్చు..
ఎక్కువ మంది ఉన్న ఉమ్మడి కుటుంబాల్లో అధిక మొత్తంలో అన్నం వండుతారు. ఎక్కువైనా పర్లేదు కానీ తక్కువ కాకుండా ఉండేలా చూసుకుంటారు. ఈ క్రమంలో కొన్ని సందర్భాల్లో ఆ పూట అన్నం మిగిలిపోవచ్చు. మరి ఈ అన్నాన్ని తర్వాతి పూట తినొచ్చా
దిశ, ఫీచర్స్ : ఎక్కువ మంది ఉన్న ఉమ్మడి కుటుంబాల్లో అధిక మొత్తంలో అన్నం వండుతారు. ఎక్కువైనా పర్లేదు కానీ తక్కువ కాకుండా ఉండేలా చూసుకుంటారు. ఈ క్రమంలో కొన్ని సందర్భాల్లో ఆ పూట అన్నం మిగిలిపోవచ్చు. మరి ఈ అన్నాన్ని తర్వాతి పూట తినొచ్చా లేదా అనే సందేహం చాలా మందిలో ఉంటుండగా... నిపుణులు అస్సలు తీసుకోకూడదని చెప్తున్నారు. ఇది ఫుడ్ పాయిజనింగ్‌కు కారణమవుతుందని.. వాంతులు, విరేచనాలు, పొత్తికడుపు నొప్పికి దారితీస్తుందని హెచ్చరిస్తున్నారు. అలా కాకుండా ఉండాలంటే ఏం చేయాలి? ఎలాంటి జాగ్రత్తలు తీసుకోవాలి? తెలుసుకుందాం.
మిగిలిపోయిన అన్నం తినడం సురక్షితం కాదు. అన్నంలో సాధారణంగా బాసిల్లస్ సెరియస్ అనే బ్యాక్టీరియా ఉంటుంది. వండే ప్రక్రియలో బాసిల్లస్ సెరియస్ బీజాంశాలు చనిపోవు. మిగిలిపోయిన అన్నాన్ని గది ఉష్ణోగ్రత వద్ద ఉంచినట్లయితే.. బీజాంశం విషాన్ని ఉత్పత్తి చేస్తుంది. దీని వలన ఫుడ్ పాయిజన్ అవుతుందని 2023లో మైక్రోబియల్ పాథోజెనిసిస్‌లో ప్రచురించబడిన అధ్యయనం తెలిపింది. బాసిల్లస్ సెరియస్ అని పిలువబడే బ్యాక్టీరియా వల్ల కలిగే ఫుడ్ పాయిజన్ ను ఫ్రైడ్ రైస్ సిండ్రోమ్ అంటారు.
వంట చేసిన తర్వాత రైస్ ను గది ఉష్ణోగ్రత వద్ద రెండు గంటల కంటే ఎక్కువసేపు ఉంచినట్లయితే.. బ్యాక్టీరియా వేగంగా పెరగడం ప్రారంభమవుతుంది, ముఖ్యంగా వెచ్చని వాతావరణంలో
బ్యాక్టీరియా వేడి-నిరోధకత కలిగిన టాక్సిన్స్‌ను ఉత్పత్తి చేయగలదు. అంటే అన్నాన్ని మళ్లీ వేడి చేయడం వల్ల అది కలుషితమైతే అనారోగ్య ప్రమాదాన్ని తొలగించలేకపోవచ్చు. అలాంటప్పుడు బాసిల్లస్ సెరియస్‌తో కలుషితమైన మిగిలిన అన్నం తీసుకుంటే, ఫుడ్ పాయిజనింగ్ లక్షణాలు ఒకటి నుండి ఐదు గంటలలోపు సంభవించవచ్చు. వికారం, వాంతులు, అతిసారం, పొత్తికడుపు నొప్పి రావచ్చు. ఈ లక్షణాలు సాధారణంగా స్వల్పకాలికంగా ఉన్నా బలహీనమైన రోగనిరోధక వ్యవస్థ కలిగిన వ్యక్తులను తీవ్రంగా ప్రభావితం చేస్తాయి.
కాబట్టి వండిన అన్నం త్వరగా చెడిపోకుండా ఉండేందుకు కొన్ని సురక్షిత పద్దతులు పాటించాలని సూచిస్తున్నారు నిపుణులు.
- వండిన అన్నాన్ని వెంటనే చల్లబరిస్తే బ్యాక్టీరియా వృద్ధి చెందదు.
- చల్లబడిన అన్నాన్ని శుభ్రమైన, గాలి చొరబడని కంటైనర్‌లలోకి లేదా రీసీలబుల్ ప్లాస్టిక్ సంచులలోకి బదిలీ చేయాలి.
- లేదంటే రైస్ ఫ్రిడ్జ్ లో నిల్వ చేయడం బెస్ట్ ఆప్షన్. రిఫ్రిజిరేటర్‌లో 40 డిగ్రీల ఫారెన్‌హీట్ వద్ద లేదా అంతకంటే తక్కువ ఉష్ణోగ్రత వద్ద నిల్వ చేయాలి.