'ఎర‌క్క‌పోయి వ‌చ్చి ఇరుక్కుపోయాడు..', ఓ దొంగ విషాద క‌థ! (వీడియో)
పైకప్పు నుండి ఇంట్లోకి ప్రవేశించడానికి ప్రయత్నిస్తుంటే, A thief getting stuck and hanging on the door of the house.
దిశ, వెబ్‌డెస్క్ః పోలీసుల కంటే దొంగ‌లే తెలివిగ‌ల‌వారని నానుడి, నిజ‌మే కావ‌చ్చేగాక, కానీ దొంగలు ఎప్ప‌టికైనా ప‌ట్టుబ‌డ‌క‌మాన‌రన్న‌ది నిజం. వాస్త‌వానికి, దొంగలు చాలా రహస్యంగా ప‌నిచేసుకుపోయే సామర్థ్యాన్ని కలిగి ఉంటారు. అయితే, ఒక్కోసారి టైమ్ త‌ల్ల‌కిందుల‌య్యిది! ఇన్‌స్టాగ్రామ్‌లో గిడ్డీ అనే పేజీలో అప్‌లోడ్ చేసిన ఇలాంటి కామెడీ వీడియో ఒక‌టి ఇప్పుడు వైర‌ల్ అయ్యింది. ఇందులో, దొంగతనం చేయాలనే ఉద్దేశ్యంతో ఒక దొంగ ఓ ఇంట్లోకి దూరాల‌నుకుంటాడు. ఇంటి పైకప్పు నుండి ఇంట్లోకి ప్రవేశించడానికి ప్రయత్నిస్తుంటే, అనుకోకుండా రెండు కుక్కల బారినప‌డ‌తాడు. ఇంటి లోప‌ల్నించి ఒక కుక్క, బ‌య‌ట నుండి ఒక కుక్క మొరుగుతూ, దొంగ‌ను చుట్టుముట్టేస్తాయి. ఇక ఈ దొంగ తనను తాను రక్షించుకోవడానికి చూరుప‌ట్టుకు వేలాడుతూనే ఉంటాడు. చివ‌ర‌కు ఏమైందో తెలియ‌దు గానీ చివ‌రి వ‌ర‌కూ న‌వ్వు మాత్రం తెప్పిస్తుంది ఈ వీడియో! మీరూ చూడండి..