జగిత్యాలలో కలకలం..!

దిశ, కోరుట్ల: జగిత్యాల జిల్లా కేంద్రంలో చిరుత పులి కలకలం రేపింది. పట్టణంలోని వాణీనగర్ లో చిరుత పులి సంచరిస్తున్నట్లు స్థానికులు అనుమానం వ్యక్తం చేశారు. ఈ నేపథ్యంలో జగిత్యాల కొత్త బస్టాండ్ ప్రాంతంలో కాలి ముద్రల ఆనవాళ్లు కనిపించడంతో ప్రజలు గుమిగూడి చర్చించుకుంటున్నారు. అటవీశాఖ అధికారులు రంగంలోకి దిగి కాలి ముద్రలు సేకరించారు. తమకు వఛ్చిన సమాచారం మేరకు ఇతర ప్రాంతాల్లో కూడా ఆరా తీసినప్పటికి చిరుత సంచరించిన ఆనవాళ్లు లభ్యం కాలేదని వారు తెలిపారు. కాలి గుర్తుల ఆనవాళ్లను నిపుణులకు పంపించి అవి చిరుతపులి కాలి గుర్తులేనా, మరేదైనా జంతువుకు సంబందించినవా? అని తెలుసుకుంటామని చెప్పారు.