Chandrayan-3 :చంద్రయాన్-3 ల్యాండింగ్ ఆగస్ట్ 27కి వాయిదా..!

దిశ, వెబ్ డెస్క్ : జాబిల్లిపై చంద్రయాన్-3 ల్యాండింగ్ మరింత ఆలస్యం కానుందా. అవుననే.. అంటున్నారు ఓ సీనియర్ ఇస్రో శాస్త్రవేత్త. వివరాల్లోకి వెళితే.. చంద్రయాన్-3 ని ఎప్పుడు ల్యాండ్ చేయాలి అనే విషయం ల్యాండర్ మాడ్యూల్, హెల్త్ ఆరోగ్యం, చంద్రుడిపై ఉన్న పరిస్థితుల ఆధారంగా నిర్ణయం తీసుకుంటారని నీలేష్ ఎం.దేశాయ్, డైరెక్టర్, స్పేస్ అప్లికేషన్స్ సెంటర్-ఇస్రో, అహ్మదాబాద్ సోమవారం తెలిపారు. పరిస్థితులు అనుకూలంగా లేని పక్షంలో ల్యాండింగ్‌ను ఆగస్టు 27కి వాయిదా వేసే అవకాశం లేకపోలేదని అయన వెల్లడించారు. ముఖ్యంగా ఆగస్టు 23న, చంద్రయాన్-3 చంద్రుడిపై ల్యాండ్ అయ్యే రెండు గంటల ముందు, ల్యాండర్ మాడ్యూల్, హెల్త్ చెక్ చేస్తామని దేశాయ్ ఓ వార్త సంస్థకు తెలిపారు.