మంచి చేస్తే జనాలు మర్చిపోతారు: ఎమ్మెల్యే లక్ష్మారెడ్డి

దిశ, వెబ్‌డెస్క్: మాజీ మంత్రి, జడ్చెర్ల ఎమ్మెల్యే లక్ష్మారెడ్డి సంచలన వ్యాఖ్యలు చేశారు. జనాలకు మంచి చేస్తే మరిచిపోయే అలవాటు ఉందన్నారు. అంతేకాకుండా సంక్షేమ పథకాలను రద్దు చేయాలని.. ఇదే విషయాన్ని కేసీఆర్‌ను కోరాలని ఉందని తన అభిప్రాయం వ్యక్తం చేశారు. సంక్షేమ పథకాలను ప్రస్తుతం నిలిపివేసి.. ఎన్నికల ఏడాది ముందు ప్రారంభిస్తే బాగుంటుందని ఆయన వ్యాఖ్యానించడం గమనార్హం. ప్రస్తుతం ప్రభుత్వంపై వ్యతిరేకత వస్తోన్న నేపథ్యంలో అధికార పార్టీ ఎమ్మెల్యే వ్యాఖ్యలను ప్రతిపక్షాలు ఆసరాగా తీసుకునే అవకాశం ఉందని రాజకీయ విశ్లేషకులు భావిస్తున్నారు. ఆయన వ్యాఖ్యలకు సంబంధించిన వీడియో కింద ఉంది చూడవచ్చు.