'సండే ఫండే'ను తలదన్నేరీతిలో చార్మినార్ వద్ద విన్నూత్న కార్యక్రమం
దిశ, చార్మినార్: ఆదివారం ట్యాంక్బండ్పై నిర్వహించే ‘సండే ఫండే’కు మంచి స్పందన లభిస్తుండడంతో పాతబస్తీలోని చార్మినార్వద్ద కూడా వినూత్నకార్యక్రమం నిర్వహించనున్నారు. హైదరాబాద్ ఎంపీ అసదుద్దీన్ ప్రతిపాదనల మేరకు అధికార యంత్రాంగం ముందుకు కదలింది. ఈ నెల 17 నుంచి నెలలో కనీసం రెండు ఆదివారాల్లో సాయంత్రం 4 గంటల నుంచి రాత్రి 10 గంటల వరకు చార్మినార్ వద్ద నగరవాసులు, టూరిస్టులను ఆకట్టుకునేలా ‘ఏక్ షామ్చార్మినార్కే నామ్’ పేరుతో వినూత్న కార్యక్రమాన్ని నిర్వహించాలని అధికారులు నిర్ణయించారు. ఈ […]
దిశ, చార్మినార్: ఆదివారం ట్యాంక్బండ్పై నిర్వహించే ‘సండే ఫండే’కు మంచి స్పందన లభిస్తుండడంతో పాతబస్తీలోని చార్మినార్వద్ద కూడా వినూత్నకార్యక్రమం నిర్వహించనున్నారు. హైదరాబాద్ ఎంపీ అసదుద్దీన్ ప్రతిపాదనల మేరకు అధికార యంత్రాంగం ముందుకు కదలింది. ఈ నెల 17 నుంచి నెలలో కనీసం రెండు ఆదివారాల్లో సాయంత్రం 4 గంటల నుంచి రాత్రి 10 గంటల వరకు చార్మినార్ వద్ద నగరవాసులు, టూరిస్టులను ఆకట్టుకునేలా ‘ఏక్ షామ్చార్మినార్కే నామ్’ పేరుతో వినూత్న కార్యక్రమాన్ని నిర్వహించాలని అధికారులు నిర్ణయించారు.
ఈ నేపథ్యంలో రాష్ట్ర పురపాలక శాఖ ప్రత్యేక ప్రధాన కార్యదర్శి అర్వింద్కుమార్.. హైదరాబాద్ ఎంపీ అసదుద్దీన్ఓవైసీ, ఎమ్మెల్యే అహ్మద్ బలాలా, పత్తర్గట్టి కార్పొరేటర్ సోహైల్ఖాద్రీ, నగర పోలీస్ కమిషనర్ అంజనీకుమార్, డీసీపీ గజరావు భూపాల్, ట్రాఫిక్ డీసీపీ ఎల్ ఎస్ చౌహాన్, ఇతర అధికారులతో కలిసి గురువారం స్వయంగా చార్మినార్ పరిసరాలను సందర్శించారు. ఈ సందర్భంగా హైదరాబాద్ ఎంపీ అసదుద్దీన్ మాట్లాడుతూ వారాంతపు ట్యాంక్ బండ్ను తలదన్నే రీతిలో చార్మినార్ వద్ద నగర వాసులను, ముఖ్యంగా టూరిస్టులను ఆకట్టుకునేలా కార్యక్రమాన్ని చేపట్టాలని నిర్ణయించడం అభినందనీయమన్నారు. ఈ నెల 17న సాయంత్రం చార్మినార్ వద్ద ముషాయిరాతోపాటు చిన్నారులకు డ్రాయింగ్ తదితర పోటీలను నిర్వహించనున్నారని ఆయన పేర్కొన్నారు. కుటుంబ సమేతంగా చార్మినార్ పరసరాలను వీక్షించడానికి వచ్చేవారి కోసం ట్రాఫిక్ ఇబ్బందులు తలెత్తకుండా వాహనాల పార్కింగ్ కోసం ప్రత్యేక ఏర్పాట్లు చేయనున్నారని ఆయన తెలిపారు.